Македонија

Нови блокади на граничниот премин „Евзони“ – денес од 17 до 23 часот по македонско време

Грчките земјоделци повторно ќе го оневозможуваат влезот во Грција.

1 минута за читање

Граничниот премин „Евзони“ кон Грција денеска ќе биде затворен шест часа поради протестите на грчките земјоделци, кои најавија нова блокада од 17 до 23 часот по македонско време.

Во овој период ќе биде оневозможен влезот и излезот од Грција за сите категории возила, вклучувајќи камиони, патнички автомобили и автобуси.

Истата мерка беше применета и вчера, а земјоделците сигнализираат дека во наредните денови одлуките за блокадите ќе бидат донесени во последен момент, особено во контекст на најавената средба со грчкиот премиер Киријакос Мицотакис, која е планирана за вторник.

Дополнителни ограничувања постојат и на граничниот премин Ники (Меџитлија), каде е воведена забрана за сообраќај на товарни возила до утре до 10 часот.

Протестите во Грција влегоа во нова фаза откако земјоделците стартуваа 48-часовната акција со блокади на различни локации низ земјата.

Протестите започнаа на 30 ноември и траат повеќе од 40 дена, со речиси секојдневни блокади на клучни патишта и сообраќајни точки.

„Фокус“

Поврзани теми:

актуелно|блокади на Евзони

Најнови вести од: Македонија

Мисајловски: Службата на „Волците“ е симбол на непоколеблива решителност и врвна подготвеност, но и заклетва, чест и љубов кон Македонија!

„Специјалните сили ‘Волци’ се симбол на непоколеблива решителност и врвна подготвеност. Тие се први кога е најпотребно, најсилни кога е најтешко и најодлучни кога татковината бара сигурност и заштита. Со беспрекорна обученост, тимски дух и силно чувство за должност, секојдневно ја потврдуваат својата елитна позиција во македонската Армија. Вашата служба не е само професија, таа е заклетва, чест и љубов кон Македонија. Благодарение на вашата пожртвуваност, нашите граѓани се чувствуваат безбедно.“ – објави на својот фејсбук-профил министерот за одбрана на Република Македонија Владо Мисајловски.

Дали извршил уште 5 убиства овчарот Т.Б (25), веќе осомничен дека е сериски убиец и силувач на жени од Кумановско?! Видео)

Уште пет смртни случаи на повозрасни жени и еден обид за убиство се испитуваат од истражните органи, за да се види дали се дело на осомничениот дека е сериски убиец во кумановско Старо Нагоричане, за кого засега има сериозни укажувања оти извршил најмалку две убиства и еден физички напад врз постара жена во кумановското село Челопек, објави ТВ Телма, повикувајќи се на извори блиски на истрагата.

Сиљановска-Давкова – Бегај: Нема поголема инвестиција во стабилноста на Западниот Балкан од членството во ЕУ

Јасно ни е, додава претседателката, дека во моментов она што е најважно во овој свет на неизвесност е обостраната приврзаност на европската меѓународна и безбедносна политика

Вајц: Билатералните прашања треба да ги решаваат самите земји билатерално –  Ова е година на спроведување уставни измени и реформи

„Билатералните прашања треба да ги решаваат самите земји билатерално. Тие не треба да играат улога во идните преговори со ЕУ. Сите ние, а јас сум австриски државјанин, имавме многу билатерални прашања кои требаше да ги решиме во последните 70-80 години. Потребно е време, исто така и за историјата е потребно време и ние не треба да поврзуваме никакви политички одлуки со овие прашања.“ – изјави известувачот на Европскиот парламент за Македонија Томас Вајц во интервју за „360 степени“ по претставувањето на нацрт-извештајот за Македонија во Комитетот за надворешни работи (АФЕТ)  на Европскиот парламент вчера.
Сите вести од Македонија

Најнови вести

To top