Александар Јовановски, кој на неодамнешните локални избори стана нов градоначалник на Кичево, денеска во просториите на Општината оствари средба со амбасадорката на САД во Македонија, Анџела Агелер.
„На средбата се разговараше за повеќе теми од заеднички интерес: поддршка на локалните проекти за инфраструктура и одржлив развој, можности за економска соработка и инвестиции во регионот, поттикнување културна и образовна размена помеѓу општина Кичево и американски институции и за зајакнување на партнерството во областа на демократијата и транспарентното управување. Градоначалникот ја истакна важноста на ваквата средба за отворање нови перспективи и создавање подобри услови за граѓаните. Оваа средба претставува важен чекор кон продлабочување на пријателството и соработката помеѓу Општина Кичево и Амбасадата на САД“, информираат од општината во која Јовановски го победи Фатмир Дехари, кој три мандата во низа ја извршуваше градоначалничката функција.