Откако го навлече гневот на публиката во Велес, кадешто на синоќешниот концерт се нагрна со бугарско знаме, српската турбофолкерка Светлана Ражнатовиќ-Цеца доби сугестија од корисник на Икс за да проба да ги ресетира односите со Македонците.
„Цеца ја спасува само тетоважа со ‘Никогаш Северна, само Македонија’“, гласи објавата на денот на Икс инспирирана од постапката на Тамара Тодевска, кога по изоставувањето на делот од државната химна на Македонија со „Гоце Делчев, Питу Гули, Даме Груев, Сандански…“ во американската амбасада, токму нив ги истетовира под срцето.
