Според премиерот, трите противпожарни авиони се сервисирани на време, додека воените возила кои се адаптирани за интервенции во случаи на пожари се исто така прилагодени.
Исто така, од 1 јули ќе се воведе забрана за движење во шумите без соодветна дозвола.
„Владата донесе одлука за забрана на движење во шумите од 1 јули. Општините добија упатства преку ЗЕЛС да ги проверат сите колективни субјекти, депонии и други потенцијално опасни места ако ги исполнуваат условите, а ако не, веднаш да ги санкционираат. Како Влада ги презедовме сите мерки, но фактот е дека сезоната е таква каква што е…“ – изјави премиерот Христијан Мицкоски.
Мицкоски нагласи дека институциите се организирани и во координација со општините за контрола на подрачјата кои се изложени на ризик.
Надлежните апелираат до граѓаните да покажат максимална претпазливост при престој во природа, да не палат оган на отворени простори и веднаш да пријават секој сомнителен случај што може да претставува ризик за шумите и животната средина.