Македонија

Од „Пониква“ се врати првата група повредени од дискотеката „Пулс“

Престојот на планина е добар за повредените млади лица и има позитивно влијание врз нивната рехабилитација – и физичка и психички

Нова група ќе пристигне на почетокот на следната недела и ќе добие две недели медицинска нега и физикална терапија, а ќе бидат вклучени и лица со респираторни патологии, чие лекување е веќе завршено.

„Се очекува да пристигнат на Пониква во вторник и да бидат сместени во домот за одмор, додека веќе е подготвен список за третата група за рехабилитација. Престојот во планина е добар за повредените млади лица и има позитивно влијание врз нивната рехабилитација – и физичка и психичка.

Некои од нив продолжуваат со подготовките за полагање испити на факултетите, а оние кои претходно биле вработени веќе се чувствуваат подготвени да се вратат на своите работни места.

Момче кое беше повредено во пожарот кај „Пулс“ се пријави на огласот за волонтирање во Здружението на доброволни пожарникари во Кочани“, изјави Катерина Мирчовска, директорка на Општата болница со проширени активности во Кочани.

Рехабилитацијата на повредените на Пониква ја обезбедуваат лекари специјалисти од Клиниката за пластична хирургија од Скопјe, како и физиотерапевти од Кочани и Штип, кои им ја обезбедуваат потребната здравствена заштита и физиотерапевтски вежби.

Речиси сите повредени лица извршуваат физички активности и ги користат опремените спортски терени, а се вклучени и во системот „Мој термин“.

Најнови вести од: Македонија

Претседателот на Сојузот на стопански комори на Македонија, Трајан Ангелоски, избран за член на Високиот совет на Светската федерација на стопански комори

 Сојузот на стопански комори на Македонија ја информира јавноста дека претседателот Трајан Ангелоски учествува на 14-тиот Светски конгрес на стопански комори (14WCC), кој се одржува од 2 до 4 септември 2025 година во Мелбурн, Австралија. Во рамки на овој значаен глобален настан, претседателот Ангелоски беше избран за член на WCF General Council – највисокото управно […]

Ислам Абази ќе го истражува Љупчо Коцевски за прислушувањето

„Јавното обвинителство нема никаква можност за незаконско следење на комуникациите“, соопштија денеска од Основното јавно обвинителство за гонење на организиран криминал и корупција (ОЈО ГОКК) во врска со информациите од АНБ за следење на политичари и новинари.

Мицкоски: Кога граѓаните бараат надеж, медиумите пренесуваат визија, објаснуваат реформи и потикнуваат јавна дебата

Новинските агенции секојдневно ја пишуваат првата страница на вистината, создавајќи јавна меморија, градејќи доверба и одржувајќи ја демократијата жива. Во услови на глобална поврзаност, медиумите се столб на демократијата, информираат, инспирираат, обединуваат и создаваат клима за просперитет, порача премиерот Христијан Мицкоски на отворањето на 33. Генерално собрание на Асоцијацијата на балкански новински агенции – Југоисточна Европа (АБНА-ЈИЕ), организирано од Медиумската информативна агенција – МИА во Скопје.

Детали за групата од АНБ која била задолжена за следење на политичари, новинари, бизнисмени

Група од околу десет вработени, предводена од Виктор Димовски, поранешен директор на Агенцијата за национална безбедност (АНБ), и Јовче Ременски, поранешен висок функционер во Агенцијата, имала задача да идентификува „непријателски елементи“ во државата.

Најнови вести

To top