Македонија

Охридското Езеро најубаво место во Европа, според порталот „Тајм аут“

Медиумот што објавува на девет јазици го нарече езерото покрај македонскиот Ерусалим „дупликат“ на Комо, но со свои предности

2 минути за читање

Специјализираната вебстраница за патувања со објави на девет јазици „Тајм аут“ го прогласи Охридското Езеро за најубаво место во Европа.

Опишувајќи го како „дупликат“ на италијанското езеро Комо, порталот ги истакнува предностите на Охрид: „Додека езерото Комо привлекува познати личности и толпи, Охридското Езеро нуди нешто поинакво – тишина, автентичност и пристапност, без компромис со погледите. Езерото е едно од најстарите и најдлабоките во Европа, со кристално чиста вода, планински хоризонти и крајбрежје прошарано со историски градови.

Од страната на Северна Македонија се наоѓа градот Охрид, вистинскиот бисер на регионот. Со калдрма, стотици средновековни цркви (легендата вели дека некогаш имало 365 – по една за секој ден од годината) и ќерамидни покриви што се спуштаат до водата, местото како да застанало во времето. Тука деновите се поминуваат пливајќи и шетајќи низ антички урнатини, а вечерите се поминуваат гледајќи ги зајдисонцата зад планините“.
Покрај Охридско Езеро, „Тајм аут“ во топ-10 најубави места во Европа ги вброи и:
2. Топли извори Сатурнија, Тоскана, Италија,
3. Џајантс Козвеј, Северна Ирска
4. Алберобело, Апулија, Италија
5. Почитељ, Босна и Херцеговина
6. Норвешки фјордови, Норвешка
7. Кју Гарденс, Лондон, Велика Британија
8. Канал Принсенграхт, Амстердам, Холандија
9. Долина Мозел, Германија
10. Каса Батљо, Барселона, Шпанија .

Поврзани теми:

избор|европа|Охридско Езеро|„Тајм аут“|најубави места|Комо

Повеќе на оваа тема:

Најнови вести од: Македонија

Почина Волф Ошлис, амбасадорот на македонската кауза: Ако Европа ја изгуби Македонија, ќе се изгуби и себеси!

На 30 август 2026 година германските научни платформи објавија потврдена вест, која е повеќе од тажна за македонскиот народ и Република Македонија: уште на 18 август 2026 година почина професор доктор Волф Ошлис, германскиот и европски македонист со непроценливо значење на неговиот политичко-јазичен македонистички ангажман за македонскиот народ и јазик, за одбраната на националната, идентитетска, јазична, културна и историска засебност и самобитност на Македонците наспроти сите нивни негирања како народ. Неговата реченица: „Нема ништо полесно отколку да бидеш пријател на Македонија. Јас сум тоа од 1975 година…“ ја одразува неговата длабока професионална, но и лична, чувствена врска со македонската кауза, со Македонците и Македонија

Легендарниот македонски војвода Александар Турунџе пред да си стави јамка на вратот на 30.8.1905: Македонија ќе биде слободна!

„Личната трагедија на македонскиот револуционер, ајдутин, четник и војвода Александар Турунџев, кој е предаден на турските власти за 150 златници од свој сонародник, по што бил обесен на Ат-Пазар во Битола на 30 август 1905 година, освен што е симбол на она што многу често провејува низ македонската историја – предавството, многу повеќе е национален херој и симбол на борбата за слобода на македонскиот народ.Погубувањето на Турунџев се одвивало пред бројни сведоци, меѓу кои и неговата сопруга и нивните две малолетни деца, ќерка и син, кои биле принудени немо да го гледаат испуштањето на последниот здив на својот татко.“ – објави Македонската информативна агенција – МИА.

Штип е без вода: Филтер станицата исклучена, поради крајно големата заматеност од синоќешното невреме

Градот Штип од 14 часот е без вода за пиење. Филтер станицата се исклучи од цевководот на хидросистемот „Злетовица“ поради големата заматеност на водата која пристигнува од браната Кнежево, информираше на вонредната прес-конференција директорот на ЈП Исар Штип Александар Арсовски.

ЗНАМ го осудува глорифицирањето на воените злосторства

Движењето ЗНАМ најостро ги осудува воените злосторства случени на поранешните југословенски простори, вклучувајќи ги и хашките случаи во Македонија од 2001г., и секој обид за нивна глорификација, релативизација или оправдување
Сите вести од Македонија

Најнови вести

To top