Бидејќи здравствената состојба на охриѓанецот се влошува и бара побрз третман, а во Македонија нема соодветен давател, за да се изврши пресадувањето на срцето, одобрен е авионскиот превоз на пациентот.
Преку постапка за лекување во странство која се одвива преку ФЗОМ и со помош за Министерството за здравство, пациентот бил упатен во Клиничкиот центар во Берлин, од каде што е прифатен за третман за стабилизирање на состојбата и подготовка за пресадување, за чие извршување се чека да се појави соодветен давател.
Пред десетина дена со владиниот авион од Бодрум, Турција, во Македонија беше префрлено младо момче кое се здобило со тешка повреда, скршеница на ‘рбетен пршлен по пад од тобоган. Поради сериозноста на повредата момчето не можеше да биде пренесено со редовен комерцијален лет, ниту со возило.