Во својата објава на општествената мрежа оваа организација на Македонците во Бугарија дополнува: По 1998 година Стојан Георгиев – Томовичин. е почесен претседател на ОМО “Илинден”-ПИРИН до неговата смрт во 2023 г. Во периодот 2006-2007 година е член на Централниот совет на таа партија, а во 2007-2010 год. е нејзин сопретседател. Потоа се повлекува од здравствени причини.
Во една своја статија „од 12 март 2025 година „Македонска нација“ има напишано: Стојан Георгиев е македонски национален деец во Пиринска Македонија, борец за правата на Македонците во Бугарија. Како Македонец бил изложен на бројни полициски испрашувања и малтретирања. Роден е на 18 март 1938 година во градот Петрич, Пиринскиот дел на Македонија. Тој е македонски национален деец во Пиринска Македонија, борец за правата на Македонците во Бугарија. Како Македонец бил изложен на бројни полициски испрашувања и малтретирања.
Потекнува од револуционерно семејство. Неговиот дедо Томо, по кого го добил прекарот Томовичин, како борец за ослободување на Македонија од турското ропство бил затворен пет години во турскиот затвор Еди Куле. И други негови претци умирале за слободата на Македонија. Одејќи по стапките на своите претци, уште како средношколец, на 18 години, создал македонска група, поради што дошол во судир со бугарската власт. Бил држан 18 дена во ќелиите на државната безбедност, по што бил ослободен за да го заврши своето образование. Во 1957 година повторно формирал група, по што повеќе од три месеци бил затворен и подложен на истрага и мачења. Во 1958 година бил осуден на четири години затвор, кои ќе ги помине во Стара Загора, а во 1973 година тој повторно бил затворен четири години.
Во 1990 година, по падот на комунизмот, Стојан бил еден од основачите на ОМО „Илинден“ и бил прв и единствен претседател на Организацијата пред нејзиниот расцеп. И покрај сите закани и застрашувања од страна на бугарските власти, до крајот на својот живот, Стојан активно учествувал во борбата за стекнување права на Македонците во Бугарија. Исто така, на разни меѓународни средби тој го брани правото на Македонците да се стекнат со своите национални права. Автор е на две книги кои раскажуваат за неговиот живот, борба и страдања. Стојан Георгиев почина на 5 јули 2023 година. – има објавено „Македонска нација“.