Македонија

Орце Ѓорѓиевски: Скопје е ослободено! Не победив само јас, Скопје победи! Победи народот, кој никогаш не се откажува!

„Влегуваме во ново време, во време на работа и на дела, не на изговори. Ние нема да застанеме додека секој човек не се чувствува горд, што живее во своето Скопје.“ – порача преку општествената мрежа фејсбук новиот градоначалник на Скопје Орце Ѓорѓиевски.

2 минути за читање

„Скопје е ослободено! Вечерва, не победив само јас. Победивте вие. Скопје победи! Победи идејата дека Скопје, овој град може да стане место на достоинство, ред и иднина. Победи народот, кој реши да се спротивстави на неправдата, нашиот горд народ кој никогаш не се откажува!“ – нагласи вчеравечер Орце Ѓорѓиевски.

Од обработени 94,03 проценти од гласовите за градоначалник на Град Скопје во вториот круг, според податоците објавени на веб страницата на Државната изборна комисија (ДИК), кандидатот на ВМРО-ДПМНЕ и Коалицијата Орце Ѓорѓиевски има 90 206 гласови или 57,69 процент од вкупниот број гласови, наспроти кандидатот на Левица Амар Мециновиќ со 56 706 гласови или 36,26 проценти од вкупниот број гласови.

Toj симболично помина под Триумфалната порта каде што беше пречекан од бројни поддржувачи.

Во централниот штаб на ВМРО-ДПМНЕ веќе се прослави победата на Ѓорѓиевски.

На својот фејсбук-профил новиот „татко“ на македонската метропола Скопје Орце Ѓорѓиевски, исто така, напиша: Ја славиме победата на духот над безнадежноста, на храброста, на народот над оние што го потценуваа, кои сега ги пративме во историјата. Но нашата борба не завршува тука. Само што почнува. Влегуваме во ново време, време на работа и на дела, не на изговори. Ние нема да застанеме додека секој човек не се чувствува горд што живее во своето Скопје.

Секоја улица, секој плоштад, секој дом во овој град бара работа, ред и правда. И токму тоа ќе му го дадеме. Ќе се борам. Ќе се бориме. Секој ден, со сета сила. Ќе се борам против небрежноста, против хаосот, безредието и рамнодушноста која му ја оставија на овој град. Ќе се борам за секое дете што заслужува подобра иднина, за секој човек, што бара достоинство. Им благодарам на сите кои стоеја со мене – моето семејство на кое многу му должам, мојот тим и сите вие! Најмногу му благодарам на премиерот Hristijan Mickoski, мојот најсилен столб! Ви се поклонувам!

Ќе завршам со една моќна мисла на големиот Винстон Черчил: ,,Историјата ќе биде наклонета кон нас, затоа што ние имаме намера да ја напишеме.” Да живее Скопје! Да живее идејата дека најдоброто допрва доаѓа! – порача новиот градоначалник на Скопје Орце Ѓорѓиевски преку општествената мрежа.

 

 

 

Поврзани теми:

Државна изборна комисија|премиер на Македонија и лидер на ВМРО ДПМНЕ Христијан Мицкоски|топ|актуелно|Орце Ѓорѓиевски|градоначалник на Скопје

Повеќе на оваа тема:

Најнови вести од: Македонија

Времето се менува, студот доаѓа и во Македонија

Според најновите податоци од УХМР, Македонија оваа недела ќе влезе под влијание на циклонска активност која носи значително променливо и нестабилно време. Во следните денови ќе доминира облачност со повремени врнежи од дожд, а најинтензивни врнежи се очекуваат во среда и четврток.

Лидерот на демократите Бериша повика на „уривање на Рама и наркодиктатурата“ и за „спас на Албанија од катастрофата“!

Лидерот на опозициската Демократска партија и премиер на Албанија од 2005 до 2013 година Сали Бериша на вечерашниот митинг во Тирана обвини дека „нема нација во светот што е повеќе ограбена од албанската, што е срам за секој Албанец“. „Ние сме единствената земја во светот, што во период од седум години потроши 400 милиони евра за согорување на отпад во Тирана, Фиер и Елбасан, но денес нема ниту еден од нив.“ – посочи Сали Бериша, објави албанската новинска агенција АТА.

Адолф Хитлер во нов „поход“ – на изборите во Намибија?!

„Животниот пат на локалниот политичар од африканската држава Намибија со името Адолф Хитлер Унона е во целосна спротивност со животниот пат на неговиот историски истоименик од Германија. Хитлер Унона влегол влегол во политиката приклучувајќи се кон борците против апартхејдот. „Имањето на ова име не значи дека сега сакам да го потчинам Ошана.“ – рекол тој, осврнувајќи се на регионот што го претставува.

Еден од најистакнатите бугари во земјава нападнат во центарот на Скопје

Бугарското Министерство за надворешни работи остро го осуди физичкиот напад врз 80-годишниот новинар и активист Владо Перев, еден од најистакнатите претставници на бугарската заедница во Македонија, кој денеска во центарот на Скопје беше претепан од непознат маж.
Сите вести од Македонија

Најнови вести

To top