Осум осомничени за лихварство и перење пари се испратени во притвор, а тројца се во домашен притвор, одлучи Основниот кривичен суд во Скопје.
Еден осомничен е во бегство по акцијата на МВР и Обвинителството за гонење организиран криминал и корупција, а судија на претходна постапка одлучил и тој да биде приведен штом биде пронајден. Полицијата ги уапси осомничените во текот на вчерашниот ден.
Според сомневањата, од 2022 година до денес, тие делувале како организирана криминална група која давала заеми со незаконски високи каматни стапки. Групата им позајмувала пари на оштетените лица со месечни камати од 5 до 15 проценти, а за секое доцнење пресметувала дополнително зголемување на каматите.