Македонија

Петмина Македонци избрани за советници во швајцарски Ешалан

Сите се по потекло од струмичко, а на локалните избори во други општини учествуваа уште четворица нашинци

Македонската заедница во Швајцарија слави историски успех – петмина Македонци се избрани за членови на Советот на Општина Ешалан, која има 4.750 жители и се наоѓа во францускиот дел на земјата.

Сите петмина се по потекло од струмичко, со години живеат и работат во Швајцарија и се од листата на непартиското движење „Договор за Ешалан“: Драги Митров од Струмица, Тони Стојанов од Мокриево, Дејан Златков од Секирник, како и Слаѓана Спасов Пасков и Ване Јефтимов, двајцата од Мокрино.

Македонците се во значителен број во Ешалан, околу 600 од нив имаат право на глас на локалните избори, а ги обединува Македонското добротворно друштво „Македонија“.

Од движењето „Договор за Ешалан“ е и градоначалникот Серж Борник.

На локалните избори се кандидираа уште четворица Македонци во други општини, и тоа Васе Јованов од Сушица за советник во Шаван, Павле Велков од Босилово во Екублан, Бране Трајчевски од во Ивердон и Костадин Стојанов од Сушица во Белфо. Резултатите од изборите во овие општини се очекуваат дополнително.

 

 

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

To top