Со дури четири примени гола во последните дваесетина минути, фудбалската репрезентација на Босна и Херцеговина претрпе тежок пораз од 4:1 против Швајцарија во второто коло од групата Б на Светското првенство во САД, Канада и Мексико.
До 74. минута се водеше жестока битка за секоја топка, БиХ дури и почна да врши притисок кон швајцарскиот гол, но токму во моментите на налет на „змејовите“, на спротивната страна Јохан Манзамби го отвори резултатот.
И тогаш сè се сврте во полза на составот на Мурат Јакин, вклучувајќи го и црвениот картон за Тарик Мухаремовиќ во 80. минута, што до крајот го искористија Рубен Варгас во 84. минута, Манзамби со својот втор гол во 90. минута и Гранит Џака од пенал во седмата минута од судиското продолжение.
Почесниот погодок за тимот на Сергеј Барбарез го постигна тукушто влезениот Ермин Махмиќ со топовски волеј во 93. минута.