Кипроски остави силен печат во македонското новинарство со својата посветена и професионална работа, а зад себе остава богато новинарско творештво и траен спомен меѓу колегите и пријателите.
Во текот на својата петдецениска кариера, тој најдолг период помина работејќи во локалното радио Радио Гостивар. Исто така, соработуваше како дописник на МИА, Нова Македонија, Утрински Весник, Макфакс, Радио Скопје, Екран, Дојче Веле, како и со повеќе неделници и списанија од поранешна Југославија.
Кипроски е автор на петнаесетина монографии и книги, за кои има добиено и награди.
На пошироката публика и е познат по своите репортажи и фотографии од патувањата на Света Гора, во Кина, Египет, како и по приказите на спецификите на мијачкиот крај.
Телото ќе биде изложено во 11.00, а Погребот ќе биде во 13.00 часот во недела во старите градски гробишта во Гостивар.
Нека му е вечна слава.