Македонија

Поради здравствени причини oткажано обраќањето на премиерот Мицкоски на македонско-српскиот форум

Денеска во Скопје, во хотелот „Александар Палас“, се одржува голем македонско-српски бизнис форум на кој ќе присуствуваат над 200 компании и најмалку 300 учесници од двете земји.

1 минута за читање

Денеска во Скопје, во хотелот „Александар Палас“, се одржува голем македонско-српски бизнис форум на кој ќе присуствуваат над 200 компании и најмалку 300 учесници од двете земји. Целта е интензивирање на економската соработка, зголемување на трговската размена и искористување на заедничките потенцијали, особено во прехранбената индустрија, винскиот сектор и останатите гранки од реалниот сектор.

Поради здравствени причини, премиерот Христијан Мицкоски се извинува и го откажува своето присуство и обраќи обраќање на форумот, соопшти владината прес-служба.

Пред почетокот на форумот, во зградата на Владата ќе биде потпишан Меморандум за разбирање меѓу заменик-претседателот на Владата и министер за односи меѓу заедниците, Иван Стоилковиќ, и заменик-претседателката на Владата на Република Србија и министерка за економија, Адријана Месаровиќ.

Двајцата високи функционери вчера ги посетија скопската компанија „Пекабеско“ и винаријата „Камник“, по што за медиумите изјавија дека потенцијалот за соработка е огромен, особено во прехранбениот и винарскиот сектор. Тие нагласија дека иако годинава трговската размена бележи раст, реалните можности се далеку поголеми од моментално оствареното и дека токму вакви форуми и билатерални средби ќе помогнат тие да се искористат во целост.

Мицкоски денеска на македонско-српски бизнис форум во Скопје

Поврзани теми:

Христијан Мицкоски|актуелно|Македонија|Србија|Иван Стоилковиќ|Александар Палас|македонско-српски бизнис форум|адријана месаровиќ

Повеќе на оваа тема:

Најнови вести од: Македонија

На паркинг на булеварот „АСНОМ“ во Скопје, оштетени 34 возила!

Не едно, не неколку, туку рамно 34 возила се оштетени на паркингот на булеварот „АСНОМ“ (од Ново Лисиче кон населба Аеродром) – некој решил да се „забавува“, или за што станува збор?! Екипа од СВР Скопје извршила увид, известен е јавен обвинител и се преземаат мерки за пронаоѓање на сторителот и за целосно расчистување на случајот, велат од полицијата.

Над половина од семејствата со повеќе деца едвај крпат крај со крај

Просечно секој петти граѓанин во државата живее во сиромаштија, а според последните податоци на ДЗС за лани, стапката на сиромаштија во земјата изнесува 21,9 %. Најизразена е кај децата до 17 години каде процентуалноста пак достигнува 29,5 % што укажува на тоа дека речиси една третина од младите деца живеат во сиромаштија. Кај вработените лица, стапката на сиромаштија во 2024 година изнесува 7,9 проценти, што укажува на присуство на т.н феномен на „сиромашни вработени“ – лица кои и покрај тоа што имаат работа, остваруваат приходи под прагот на сиромаштија.

Шабани: Огромното мнозинство од младите во РМ воопшто не се заинтересирани за темите, за кои зборува Али Ахмети, „доживотниот цар на ДУИ“!

„Без нови личности и визија, ДУИ се изложува на опасност да остане во опозиција долго време. Конгресот на ДУИ произведе незадоволство, а не реформи. Лошото во врска со Конгресот на ДУИ е тоа што не со замина Али Ахмети, кој е главниот виновник за поразот на ДУИ на локалните избори одржани во октомври. А тој сака да остане цар, самовладетел во ДУИ до својата смрт! Огромното мнозинство од младите луѓе во земјата, особено оние родени по Охридскиот договор, воопшто не се заинтересирани за темите за кои зборува Али Ахмети.“ – се нагласува во анализата, која е објавена во весникот на албански јазик „Бота сот“ од Приштина, Косово со наслов „Поделба во ДУИ по изборот на раководството на Конгресот“.

Хаос во центарот на Скопје: „Сеат“ удри во три паркирани автомобили, контејнери, автомобили во движење и семафор

Вистински хаос се случил во петокот околу 12:30 часот на улицата Григор Прличев во Скопје, кога патничко возило „сеат“ предизвикало серија судири, оштетувајќи повеќе автомобили, контејнери и градска инфраструктура.

ДУИ со реакција за случајот со креветот

Премиерот сe уште нема побарано извинување за неоснованите и навредливи обвинувања што јавно ги упати кон албанските службеници во Министерството за меѓуетнички односи, со што ги навреди не само нив, туку и нивните семејства, велат од ДУИ.
Сите вести од Македонија

Најнови вести

To top