Пожарот на планината Готен е целосно изгаснат и од радовишката и од беровската страна, објави дсиректорот на ДЗС, Стојанче Ангелов..
„Во завршниот збор им се заблагодарив од име на македонската влада и македонските граѓани а од име на Дирекцијата за заштита и спасување им доделив пригодни благодарници.
Ангелов најави дека утре заминува и чешкиот Блек Хок со седумчлената посада.
„За гаснење на пожарот на територијата на општина Долнени во атарот на с. Стровија на местото викано Гајдарец – Клепало, рано утрово со полициски хеликоптер беа исфрлени екипи на Национални Шуми со неколку доброволци ловци кои за неколку часа целосно го изгаснаа овој пожар на отворен простор кој имаше зафатено поголема површина со сува и висока трева по гребенот на планината“, вели Ангелов.
На градскиот стадион во Берово вчера се одржа завршна средба по повод успешно завршената интервенција на словенечките и македонските пожарникари на планината Готен.
Во рамки на посетата, словенечките пожарникари ја посетија и улицата „Жан Кофол“, именувана во 2021 година по загинатиот словенечки пожарникар кој учествуваше во гаснењето на пожарите во Берово, а подоцна го загуби животот во сообраќајна несреќа во Словенија.
Словенечките пожарникари дојдоа во земјава откако беше побарана меѓународна помош во гаснење на пожарите.