„Имаме основани сомневања за тоа кој би можел да биде инспираторот на сето ова, што се случи.“ – изјави премиерот Христијан Мицкоски во неговото гостување вечерва во главната информативна програма на телевизијаа Алсат. Како што рече, тој не би сакал да дава детали околу надворешните влијанија, но откри дека постојат основани сомневања за девијантно однесување во земјата за група од 20 лица, пишува Алсат.
„Не би коментирал каде и како, географски, но она што го кажувам е врз основа на информациите, што ги имам и основаните сомневања, со кои располагаме како влада. Веќе имаме група од околу 20 лица, кои се под следење, за кои постои основано сомнение дека се однесувале на девијантен начин во изминатиот период. Им препуштам на надлежните органи да си ја завршат работата.“ – нагласи премиерот Христијан Мицкоски.