Македонија

Пратениците утре ќе бираат нов гувернер на Народна банка

Предлогот за нов гувернер на Народната банка денеска ќе биде доставен до Собранието, а пратениците ќе гласаат утре (вторник). Мандатот на актуелната гувернерка Анита Ангеловска Бежоска истекува на 21 мај, по седум години на функцијата. Таа беше првата жена на оваа позиција, избрана со двотретинско мнозинство во 2018 година, со поддршка од сите пратенички групи. […]

1 минута за читање

Предлогот за нов гувернер на Народната банка денеска ќе биде доставен до Собранието, а пратениците ќе гласаат утре (вторник).

Мандатот на актуелната гувернерка Анита Ангеловска Бежоска истекува на 21 мај, по седум години на функцијата. Таа беше првата жена на оваа позиција, избрана со двотретинско мнозинство во 2018 година, со поддршка од сите пратенички групи.

Премиерот Христијан Мицкоски не откри кој е неговиот личен фаворит, но нагласи дека сите кандидати што се разгледуваат се „вонсериски искусни“ и дека клучен услов за поддршка од неговата партија е одржување на макроекономската стабилност и одбрана на фиксниот курс на денарот.

Во јавноста веќе се споменуваат неколку потенцијални имиња за нов гувернер. Меѓу нив се поранешните министри за финансии Зоран Ставрески и Трајко Славески, кој во моментот е претседавач во Советот на Град Скопје.

Се споменуваат и актуелната гувернерка Бежоска, како и Маја Кадиевска Војновиќ, член на надзорниот одбор на КИБС.

 

Поврзани теми:

топ|актуелно|народна банка|гивернер

Повеќе на оваа тема:

Најнови вести од: Македонија

Владата се спрема за кризна состојба поради скапото гориво – Ќе има мерки за да не поскапи струјата

Ќе се прогласи кризна состојба поради цените на бензините, дознава Експрес. Владата реагира откако проценила дека по најновите скокови на светската нафтена берза, би требало да се зголеми цената на дизелот за нови 10 денари по литар, а на безоловниот за 6 денари.

Матоши се заканува: Ако не го зачува Уставниот суд духот на Охридскиот договор, ќе ги поттикне Албанците на граѓанска непослушност и организирање, заради одбрана!

„Уставниот суд на С. Македонија треба да го зачува духот на Охридскиот договор и меѓуетничката кохезија на државата, а не да ги следи фрустрациите на македонските националистички партии. Таквиот пристап би можел да ги поттикне Албанците во С.Македонија да се организираат до ниво на граѓанска непослушност како форма на одбранбена реакција!“ – наведува поранешниот пратеник и генерален секретар на ДПА Ружди Матоши во својата колумна со наслов „Што прават албанските судии во Уставниот суд?“, која ја објави весникот на албански јазик „Лајм“.

Николоски: Штип и источниот дел на Македонија ќе имаат до април 2027 прво туристичко вештачко езеро! Проектот е веќе реализиран 70 отсто!

Изградбата на браната на реката Отиња кај Штип влегува во завршна фаза, при што источниот регион наскоро ќе добие прво рекреативно вештачко езеро, кое ќе има повеќекратна намена – туризам, наводнување и водоснабдување. ва го истакна заменик-претседателот на Владата и министер за транспорт, Александар Николоски, при денешниот увид во градежните активности.

ВМРО ДПМНЕ: Дали за туѓи интереси и директиви работат Филипче и СДС, на кои односите со јавноста им ги води контроверзниот Башановиќ, екссоветникот на Заев?!

„Тимот за односи со јавноста на СДС им ги води Зоран Башановиќ, поранешниот советник на Зоран Заев. Башановиќ е контроверзна личност со контроверзно минато и матни бизниси од областа на енергетиката. Тој е естраден турбофолк-менаџер и сопственик на телевизија во Србија, апсен е за крадење облека во САД. Бил избркан од српската Напредна партија, затоа што склучувал милионски договори во сомнителни комбинации.“ – реагира ВМРО ДПМНЕ.

Спречен увоз на 50 тони отровна храна за македонскиот пазар

Официјалните ветеринари на граничниот премин Ќафасан забраниле влез на 27 тони говедско мелено месо со потекло од Парагвај. По извршената проверка во информативниот систем на АХВ и увид во увозната документација, било утврдено дека месото потекнува од објект кој не е одобрен од Агенцијата, со што не се исполнети основните безбедносни стандарди за увоз.

(Фото): Посетители во Зоолошка му ги украле подароците за првиот роденден на мајмунот Мики

Роденденската прослава на младиот гибон Мики во скопската Зоолошка градина заврши со слика што повеќе зборува за посетителите отколку за самиот настан. Наместо симпатична вест за првиот роденден на животното, во јавноста излезе информација дека дел од подароците што биле подготвени за Мики биле украдени од посетители.

Пронајдено женско тело во распаѓање фрлено в река – Дали се работи за насилна смрт?!

Телото на жената што беше пронајдено во фаза на распаѓање во кочанското село Зрновци било обезглавено и без други делови на телото. Полицијата, пожарникарите и обвинителството денеска го пребаруваа поширокиот терен околу местото викано Ѓошевски Орев, во близина на Зрновска Река. Жената сè уште не е идентификувана.
Сите вести од Македонија

Најнови вести

To top