На пешачки премин во центарот на Скопје,синоќа била прегазена жена, а несовесниот возач побегнал од местот на настанот, информира Скопјанка, која објави видео на социјалната мрежа Фејсбук.
Несреќата се случила на пешачкиот премин кај гимназијата „Јосип Броз Тито“.
Очевидци сведочат дека жената уредно поминувала на пешачки премин, а по несреќата е пренесена со Брза помош на лекување.
МВР ги прегледува безбедносните камери во околината за да го идентификува и пронајде џипот и возачот. Засега нема официјални информации за несреќата.