Македонија

Премиерот Мицкоски во Брисел на Euronews Enlargement Summit

Euronews ја иницира оваа средба со цел да им даде глас на земјите-кандидати во момент кога претседателката на Европската комисија, Урсула фон дер Лајен, ја ребрендира политиката на проширување како „повторно обединување на Европа“

2 минути за читање

Во пресрет на историскиот Euronews Enlargement Summit, што ќе се одржи утре на 4 ноември во Брисел, европските и кандидатските лидери ќе разговараат за иднината на европската интеграција и за новата динамика на проширувањето на Европската унија кон исток и југоисток.

Настанот, кој ќе биде пренесуван во живо на телевизиските и дигиталните платформи на Euronews, претставува прв ваков формат што овозможува директен дијалог меѓу носителите на политички одлуки во Унијата и лидерите на земјите кои чекаат членство.

Самитот ќе го отвори претседателот на Европскиот совет, Антониу Кошта, а меѓу учесниците се и претседателите на Молдавија и Србија, Маја Санду и Александар Вучиќ, трите премиери од Западен Балкан –Христијан Мицкоски (Македонија), Еди Рама (Албанија) и Милојко Спајиќ (Црна Гора) – како и еврокомесарката за проширување, Марта Кос.

Euronews ја иницира оваа средба со цел да им даде глас на земјите-кандидати во момент кога претседателката на Европската комисија, Урсула фон дер Лајен, ја ребрендира политиката на проширување како „повторно обединување на Европа“.

Самитот ќе биде одржан во ист период кога Европската комисија ќе го претстави годишниот Извештај за проширувањето 2025, што ќе го дефинира тонот на европската политика за следната година.

Покрај политичкиот контекст, овој настан ќе претставува и можност лидерите на земјите-кандидати да ги изложат сопствените перспективи за процесот на пристапување: од решителноста на Молдавија, која се соочува со хибридни закани од Русија, до долготрајните предизвици на Западен Балкан, каде што граѓаните со години го чекаат отворањето на вратите кон Унијата.

Украина поднесе барање за членство само четири дена по руската инвазија во февруари 2022 година и за рекордни четири месеци доби кандидатски статус. Молдавија го следеше истиот пат и сега очекува да ги заврши преговорите до 2027 година. Црна Гора предничи меѓу кандидатите, со сите 33 поглавја отворени и седум привремено затворени, со цел целосно членство до 2028 година

Македонија, пак, останува најдолг кандидат во процесот — аплицира уште во 2004 година, но беше блокирана од низа билатерални спорови.

Euronews истакнува дека оваа средба ќе биде клучен момент за европската иднина, бидејќи процесот на проширување не е апстрактен — тој директно ги засега милиони граѓани и ја одредува визијата за континентот како простор на стабилност, демократија и заеднички вредности.

Поврзани теми:

Христијан Мицкоски|топ|Брисел|Euronews Enlargement Summit

Повеќе на оваа тема:

Најнови вести од: Македонија

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.
Сите вести од Македонија

Најнови вести

To top