Македонија

Претседателката ја прими Карол Межеван, директорка на Светска банка за Македонија и Косово

Очекување приоритетите на Светска банка за земјава да бидат идентични со македонските национални приоритети

 

 

Претседателката Гордана Сиљановска-Давкова ја прими Карол Межеван, директорка на Светска банка за државава и за Косово, која престојува во прва посета откако стапи на функцијата на почетокот на овој месец.

 

 

Изразувајќи благодарност за досегашната три децениска поддршка, Сиљановска-Давкова изразила очекување дека соработката со Светска банка, со новата директорка ќе резултира со поголеми придобивки за македонското општество. Таа посочи дека од 1993-та година досега, се одобрени над 100 проекти во вредност од 2,2 милијарди долари преку коишто се зајакнаа системите за вработување и за социјална заштита, се унапреди одржливиот, зелен раст, со краен бенефит – посилна македонска економија и подобар квалитет на живот на граѓаните.

 

За трасирање на патот кон одржлив развој, како што нагласува Сиљановска-Давкова, одлична основа претставува Рамката за партнерство на Светска банка 2024–2028, особено ако се има предвид дека таа е усогласена со националните приоритети и се фокусира на три основни цели: подобрување на испораката на јавни услуги преку подобрен административен капацитет и ефикасно јавно трошење, зголемување на бројот на нови работни места во приватниот сектор преку дигитализација, усогласување со стандардите на ЕУ и зајакнување на основните вештини и механизми за транзиција на работните места, како и зголемување на отпорноста на климатските промени преку поддршка на енергетската ефикасност, почист воздух и подобра инфраструктура.

Примарна цел на Светска банка, којашто и самата се трансформира одвнатре, како што истакнува Карол Межеван, е да го поддржи развојот на земјава, преку имплементирање на најдобрите практики и искуства. Потенцираше дека во нејзиниот мандат ќе се залага за инклузивен економски раст на државата, каде секој ќе добие подеднакви можности за домување, образование и вработување, за подобрување на инфраструктурата, како и за дигитализација.

Истакнувајќи дека средбата со претседателката Сиљановска-Давкова е нејзина прва средба со претставници на државниот врв во земјава, Межеван изрази очекување приоритетите на Светска банка за земјава да бидат идентични со македонските национални приоритети, се вели во соопштението од кабинетот на претседателката Гордана Сиљановска Давкова.

Најнови вести од: Македонија

Земјотрес утрово ја стресе Македонија

Телеметриската сеизмолошка мрежа на Република Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, регистрираше земјотрес.

СИ-ЕН-ЕН: Трамп ќе ги напаѓа наводно картелите за дрога во Венецуела, но за да го принуди Мадуро да ја напушти претседателската функција

Венецуелскиот претседател Николас Мадуро најави „почеток на обука на милицијата за одбрана на земјата“, што предвидува вклучување на граѓаните во националниот одбранбен систем, „за да спречи ‘империјата’ (САД) да се меша во работите на земјата“.

Се подготвува ли ДУИ за војна, или за локални избори: прогласи „сеопшта национална мобилизација на Албанците“ за 19 октомври?!

„Имаме поддршка од сите страни за сеопштата мобилизација. Сите на нога за достоинството, сите на нога за нашата победа!“ – извикува со своевидна воинствена интонација во своето соопштение партијата на Али Ахмети по вчерашната седница на нејзиното централно претседателство, небаре одат во некаков воен судир, а не на локални избори!

To top