Македонија

Превозниците од регионот пред колапс: ЕК ги одби сите предлози за подолг престој во Шенген

Според медиумот, ова отвора можност за нови протести, блокади на гранични премини и пристаништа од страна на превозниците.

2 минути за читање

Европската комисија (ЕК) ги отфрли сите предлози испратени од земјите на Западен Балкан во обид да се најде компромис за ограничувањето на престојот на превозниците на товар од регионот во шенген-зоната, објавија подгоричките „Вијести“.

Според медиумот, ова отвора можност за нови протести, блокади на гранични премини и пристаништа од страна на превозниците.

Превозниците предлагаа професионалните возачи да добијат посебни визи или сличен документ што би им овозможил подолг престој и работа во ЕУ без промена на живеалиштето, како и нивното работно време според патните налози при транзит низ ЕУ да не се смета во времето на престојот.

Претставниците на ЕК одговориле дека сите овие предлози се невозможни и не се во согласност со правилата на Шенген.

На директното прашање што е алтернативниот предлог на ЕК, одговорот бил дециден: возачите и превозниците мора да се прилагодат на правилото 90/180 дена. Како единствена можност, ЕК понудила виза од земја-членка само за престој подолг од 90 дена во таа конкретна држава.

Превозниците реагирале дека таквата виза би ги направила возачите граѓани на таа земја-членка, што би резултирало со губење на работата бидејќи би можеле да работат за европски превозници.

Во тој случај, превозниците од регионот би морале да се преселат во канцеларии и да се регистрираат во земјите-членки на ЕУ – процес долг и комплициран. Покрај тоа, околните земји-членки нема да ги прифатат бидејќи би станале директна конкуренција за нивните превозници.

Претставниците на ЕК немале коментар за овие забелешки и останале цврсто зад своите ставови. Претседателот на работната група од ЕУ закажал нов состанок за две недели.

Соговорникот на „Вијести“ истакнал дека постапката за решението предложено од ЕУ ќе трае со години, додека превозниците ќе останат без работа веќе во април. Затоа, во наредните денови превозниците ќе се договорат за нова форма на протест.

Од почетокот на април стапуваат во сила правилата според кои превозниците од Западен Балкан ќе можат да останат и работат максимум 90 дена во период од 180 дена на територијата на ЕУ.

Превозниците сметаат дека, сметајќи го времето на чекање и другите процедури, реално ќе можат да работат максимум десет дена месечно. Според нив, со новите регулативи нема да бидат конкурентни со превозниците од ЕУ и ќе останат без работа.

Поврзани теми:

актуелно|еу|ЕК|камиони|Шенген

Повеќе на оваа тема:

Најнови вести од: Македонија

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.

Samsung Galaxy S26 Серијата и Galaxy Buds4 Серијата сега достапни ширум светот

Galaxy S26 серијата бележи двоцифрен раст во нарачки, додека Galaxy S26 Ultra е избор на 70% од потрошувачите, заедно со Galaxy Buds4 серијата со неверојатен звук.
Во Европа, уредот Galaxy S26 Ultra бележи 20% раст на нарачките на годишно ниво

Министерство за финансии: „Стоп“ за измамите на финансиските друштва за кредити со „нула камата“!

Министерството за финансии на Република Македонија во реализиран надѕор врз работењето на финансиските друштва  констатира одредени измамнички трговски практики, кои се однесуваат, меѓу другото,  на рекламирањето на финансиските услуги и други дејстваа од финансиските друштва, спротивно на Законот за заштита на потрошувачите. „При надзорот констатирани се рекламирања со 0% камата, иако во договорот за кредит биле предвидени други дополнителни трошоци!“ – соопшти ова министерство денес.
Сите вести од Македонија

Најнови вести

To top