Македонија

Признавањето на ,,Македонскиот јазик” од ЕУ не значи признавање на македонскиот јазик од страна на Бугарија

Тоа што ЕУ во преговарачката рамка го признава македонскиот јазик во никој случај не значи негово признавање од страна на Бугарија.   Ова во издвоено мислење за извештајот за Македонија на ЕК во рамки на Комисијата за надворешна политика на Европскиот Парламент го пишува заменик членот на комисијата Бугаринот Ивајло Валчев.   Валчев вели дека […]

Тоа што ЕУ во преговарачката рамка го признава македонскиот јазик во никој случај не значи негово признавање од страна на Бугарија.

 

Ова во издвоено мислење за извештајот за Македонија на ЕК во рамки на Комисијата за надворешна политика на Европскиот Парламент го пишува заменик членот на комисијата Бугаринот Ивајло Валчев.

 

Валчев вели дека тоа што ЕУ признава македонски јазик не значи дека истиот го признава и Бугарија која македонскиот го смета за наречје на бугарскиот јазик.

 

Валчев е европратеник од партијата ,,Има таков народ” на националистот Слави Трифонов кој претходно имаше навредливи изјави за Македонците.

 

Партијата на Трифонов и на Валчев е дел од бугарската коалиција влада која ја преводи ГЕРБ на Бојко Борисов со што позицијата на Валчев за бугарското непризнавање на македонскиот јазик е позиција на  официјална Софија.

 

 

,,Секое упатување на „македонскиот јазик“, кој е признаен од Европската Унија преку преговарачката рамка, мора да се разбере без да се наруши едностраната бугарска декларација за службениот јазик на Република Северна Македонија од 18 јули 2022 година и во никој случај не смее да се толкува како признавање од страна на Република Бугарија или од страна на бугарските пратеници во Европскиот парламент на „македонскиот јазик“ во никој случај не смее да се толкува како признавање од страна на Република Бугарија или од страна на бугарските пратеници во Европскиот парламент на „македонскиот јазик“, пишува Валчев во своето мислење.

 

,,Пристапувањето на С. Македонија во ЕУ останува целосно зависно од нејзината политичка класа. Нападите, говорот на омраза и неоправданиот судски прогон против граѓаните на С. Македонија со бугарска свест, како и против бугарските културни институции, мора да бидат осудени и веднаш запрени”, пишува Валчев во своето мислење за извештајот.

Бугарскиот поет сега европратеник, го спори и македонскиот идентитет како идентитет на Македонците.

 

Според Валчев македонскиот идентитет е мешавина од повеќе идентитети.

,,Македонија како историски и географски регион е богата мешавина од култури, идентитети и јазици. Референцата за „македонски идентитет“ треба да се разбере строго и единствено во нејзиниот современ контекст на идентитетот на луѓето кои чувствуваат чувство на припадност кон одредена група. Таа е формирана како процес за обликување на посебен национален идентитет преку сложен и долгорочен напор за градење на нацијата”, тврди Валчев во апсурното мислење.

Најнови вести од: Македонија

Кандидатот на НАИ за градоначалник на Тетово Реџепи објави фотографија со Али Ахмети, „неколку дена по изборите“, пишува „Тетова сот“

Али Ахмети не се појавил лично во јавноста веќе четврти ден, откако заврши првиот круг на локалните избори кога ДУИ и нивната опозициска коалиција Национална алијанса за интеграција доживеаја дебакл.

Се отвораат нови линии – Договор со Обединетото Кралство за авио-сообраќај

Договорот за редовен воздушен сообраќај помеѓу Македонија и Велика Британија се потпиша на иницијатива на Велика Британија и претставува нова правна рамка со која се уредуваат односите во делот на редовниот воздушен сообраќај помеѓу двете земји.

(Фото): Дератизација, чистење и нов систем за собирање отпад – Општина Центар со вонреден еко-план

Општина Центар воведе вонредни мерки за справување со наталожениот смет и зголемената појава на глодари, најавувајќи итна дератизација, поставување нови пунктови за отпад и вклучување на сите општински служби во акција за чистење.

(Видео): Ќе има нови инвестиции и поддршка од Владата, кажа Мицкоски

Ние сме народна партија, партија која што треба да биде слуга на граѓаните на народот. Тоа значи дека нема одмор и треба да се работи секој ден во неделата бидејќи имаме многу да сработиме нема работно време, се почнува рано, се завршува доцна, секогаш треба градоначалникот да биде достапен, рече претседателот на ВМРО-ДПМНЕ, Христијан Мицкоски.

Мицкоски: 23 Октомври е завет дека Македонија никогаш нема да биде ничија туѓа мисла, туку вечен порив за слобода

И додека го чествуваме овој ден, се поклонуваме не само пред храброста на тие први борци, туку и пред идејата која и денес нè повикува – да бидеме достојни наследници на нивната верба и нивниот сон

Најнови вести

To top