Македонија

Радуков зачуден зошто во Македонија толку тешко се прифаќала улогата „на Бугарите како Делчев“?!

Амбасадорот на Бугарија во Скопје во изјавата на гробот на револуционерот со познатиот бугарски став за неговата припадност

Амбасадорот Желјаско Радуков ја предводеше бугарската делегација на гробот на Гоце Делчев во црквата „Свети Спас“ во Скопје на 154-годишнината од раѓањето на револуционерот, опишувајќи го како Бугарин во својата изјава по положувањето на венците.

„И оваа година повторно сме тука за да одбележиме еден светол датум од нашата заедничка историја и да му оддадеме почит на еден од нашите големи револуционери – Гоце Делчев. И секојпат кога стојам пред саркофагот на Георги Делчев, си го поставувам прашањето зошто нешто што треба да нè обединува, толку многу нè разделува. И зошто во една современа, независна, потенцијално европска наша соседна Република Северна Македонија е толку тешко да се прифати и улогата на бугарскиот народ, и на Бугарите, како Делчев, токму за таа слобода и независност. Потсетувајќи се на зборовите на Делчев дека го разбира светот ‘како поле за културно натпреварување меѓу народите’, можам да замислам колку би се згрозил од современиот дискурс и од говорот на омраза, без оглед на неговиот извор. Не би се согласил со таков пристап. Не би го прифатил, би го осудил, како што го осудуваме и сите ние“, изјави Радуков.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top