Македонија

Разрешувањето на јавниот обвинител Коцевски ќе почне многу наскоро

Откако беше стопирана

1 минута за читање

Премиерот Христијан Мицкоски на денешниот брифинг со новинарите најави дека процедурата за разрешување на државниот јавен обвинител Љупчо Коцевски ќе започне многу скоро.

„Разрешувањето на Коцевски ќе започне многу наскоро. Тоа е процедура што ќе трае месец и пол, па и два,“ изјави Мицкоски.

Висок владин функционер пред неколку дена за ТВ24 најави дека Владата планира до крајот на месецот да ја активира постапката во Собранието.

„Планираме до крајот на месецот да заврши разрешувањето на државниот јавен обвинител Љупчо Коцевски. Ќе го реактивираме предлогот и ќе биде пратен во Собранието,“ вели високиот функционер.

Коцевски, пак, постојано тврди дека иницијативата за негово разрешување е резултат на политичка одлука, а дека за неговата работа зборуваат „резултатите“.

Премиерот Мицкоски првично го стопираше процесот по трагедијата во Кочани, но пред десетина дена изјави дека Коцевски „ја пропуштил шансата“ и дека е незадоволен од неговото работење — отворајќи го патот за повторно активирање на разрешувањето.

Поврзани теми:

избор|влада|Собрание|разрешување|Коцевски|јавен обвинител

Повеќе на оваа тема:

Најнови вести од: Македонија

Мицкоски: ВМРО-ДПМНЕ е дел од Самитот на ЕПП на кој ќе разговараме за глобалните предизвици, а ние ќе ставиме акцент и на проширувањето на ЕУ

Сите оние постигнувања и реформи коишто изминатите месеци како ВМРО-ДПМНЕ, односно како македонска Влада ги направивме, потенцира во изјавата Мицкоски

(Фото): Пролетна генералка на Скопје, јавните претпријатија на терен

Координирана акција за темелно чистење на сите површини под надлежност на Град Скопје започна денеска во утринските часови. Екипите на сите јавни претпријатија се вклучија во пролетната генералка на Скопје. Градоначалникот Орце Ѓорѓиевски истакна дека ова е јасна порака дека редот, чистотата и грижата за заедничкиот простор стануваат секојдневие.

Морничави детали на судењето за убиството во Штип: Делови од телото и крвавата облека фрлени во контејнери

Во штипскиот Основен суд денеска продолжи судскиот процес против 75 годишниот Денис Асанов, кој е обвинет за убиство на 79-годишната Борјанка Николова. Според обвиниението Асанов се товари за кривично дело „убиство“ извршено при родово базирано насилство на брутален начин. Пред Судот денеска сведочеа роднина на убиената Николова и инспектори од СВР-Штип, кои работеле на случајот.– Во домот на обвинетиот беа пронајдени секира, мотика, тесла, и дрвена рачка, на кои имаше траги од крв. Анализите покажаа дека потекнуваат од женско лице. Во купатилото, ходникот и кујната, откриени се траги на човечко ткиво, а според вештачењето, телото било влечено од дневната соба кон купатилото – рече во својот исказ вработен во СВР-Штип.

Пренџов до Тренчевска: Во уплав сте како лист, што ќе падне, само се чека ветерот да го турне! Новиот обвинител да ги истражи Заев и неговиот клан!

„Не можете никој, од прв до последен, да ја скриете исплашеноста и уплавот, кој што го имате од тоа, што ќе се случува во Република Македонија. Зошто? Бидејќи имате јавен обвинител кој де го фалите, де ќе гласате против него, де можеби ќе биде партиски. Но, Ви се враќаат спомените за сите криминали, кои сте ги правеле во министерствата, во владата, во општините и се однесувате како лист во октомври што знаете дека ќе падне на земјата но се чека ветерот кој ќе го бутне!“ – изјави пратеникот од ВМРО ДПМНЕ Љупчо Пренџов, обраќајќи ѝ се директно на пратеничката Јована Тренчевска, инаку и потпретседателка на СДСМ, на денешната седница на Собранието при изборот на новиот државен обвинител Ненад Савески.
Сите вести од Македонија

Најнови вести

To top