Македонија

Регулаторна ќе може на дневно ниво да ја менува цената на горивата

Нема да се одлучува за цените само во понеделниците

Регулаторната комисија за енергетика (РКЕ) го објави изменетиот Правилник за формирање на највисоки малопродажни цени на одделни нафтени деривати и горива за транспорт, со кои ќе се овозможи веднаш да се реагира на промената на цената на нафтените деривати во делот на данокот на додадена вредност.

Нема да се одлучува за цените само во понеделник без оглед на движењето на цените на светскиот пазар или евентуалниот пад или раст на доларот. РКЕ ќе се состане на вонредна седница кога било во неделата доколку цената на горивата на светскиот пазар се стабилизираат и нема потреба повеќе од интервентни мерки од Владата со намалување на висината на ДДВ, која учествува во формирањето на конечната цена на горивата на македонскиот пазар.

Владата најави намалување на стапката на ДДВ за горивата од 18% на 10%, која ќе го смири растот на цените на бензинските пумпи.

На 4 март беше направена измената на Правилникот, со која се отстапи од практиката да се донесуваат дневни одлуки за цената на горивата, туку само во понеделниците.

Со тоа, цела недела се продаваше гориво на македонските бензински пумпи по цени утврдени во понеделник, 9 март, додека имаше намалување на цената на нафтените деривати на светскиот пазар. (Фокус)

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

To top