Новинарот Бранко Героски кој неколку дена е предмет на напади од СДСМ утринава на ,,Еспресо” на Радио Лидер објави дека понудил примирје кое веднаш беше отфрлено од Бихаќка.
Во стилот на завојуваните страни во првата и втората светска војна Героски им понудил на СДСМ за време на новогодишните и божиќните празници да запрат со војната со зборови и истата да продолжи по Божиќ.
СДСМ веднаш одговори со нови напади кон Героски и со тоа практично ја одби понудата.
Во еден од нападите СДСМ прави психолошка анализа на Героски и упатувајќи беобѕирни напади кон новинарот кого од Бихаќка го прогласуваат за лажго и измамник.
,,Психологијата на лажењето и однесувањето под обвинение ја објаснува оваа разлика преку когнитивниот пристап кон измамата, каде што лажењето бара значително повеќе ментални ресурси отколку кажувањето на вистината.
Кога некој лаже, мозокот мора да ја потисне вистинитата информација, да создаде алтернативна приказна, да ја одржува конзистентноста и да предвидува можни противречности. Тоа доведува до поголем напор, што се манифестира како подолги, исцрпни и често непотребно детални оправдувања.
Ова е затоа што лажењето не е автоматско, туку бара активно управување со лагите, што може да резултира со претерани објаснувања дури и за ситни детали, со цел да се избегне разоткривање.
Наспроти тоа, кога некој ја кажува вистината, нема потреба од таков дополнителен когнитивен напор, одговорот е директен, заснован на реални сеќавања или факти, па оправдувањето се сведува на минимум. Бидејќи вистината „стои сама за себе“ без потреба од дополнителна елаборација за да се одржи.
Истражувањата покажуваат дека лажењето генерално трае подолго од кажувањето на вистината токму поради овој процес на инхибиција на вистината и конструирање на лагата”, стои во соопштението од СДСМ.
Целата емисија со Героски на Радио Лидер со Љупчо Златев