Македонија

СДСМ ќе ги бојкотира следните парламентарни избори, тврди екс партиски другар на Филипче

Мемов тврди дека техничката влада ќе важи за следните избори и ја обвинува опозицијата за ширење лаги и ги повикаа пратениците и членовите на СДСМ да не ги следат деструктивните сценарија на раководството кое, според нив, ужива во луксузни јахти и златни визи.

2 минути за читање

Движењето ЗНАМ – За денеска го обвинити опозицискиот СДСМ и лидерот на партијата Венко Филипче за длабоко неодговорен, деструктивен однос и уцени поврзани со измените на Законот за Влада.

Според портпаролот на партијата, Никола Мемов кој долги години беше во СДСМ, тврдењата на опозицијата дека Пржинската влада се укинува веднаш и без консултации се обична лага и манипулација и појасни дека со законските измени јасно е предвидено техничката влада да важи за следните парламентарни избори, по што овој модел, кој не постои во ниту една европска демократија, конечно би бил укинат.

Тој јавно го прозва раководството на СДСМ за најавеното повлекување од работната група за новиот Изборен законик, оценувајќи го овој потег како кулминација на нивните партиски игри и калкулации на штета на граѓаните и праша дали зад овие потези се крие однапред смислено сценарио за целосна блокада и напуштање на законодавниот дом со крајна цел која би значела бојкот на следните парламентарни избори.

„Дали ова е единствениот начин двоецот Филипче – Заев да го задржи влијанието врз партијата? Дали од лукративни причини се турка политика на конфронтација со новинари, истакнати поединци, па дури и со сопствени градоначалници и пратеници?“,
рече Мемов.

Тој рече дека актуелното раководство го довело СДСМ до историски најнизок рејтинг од едвај над пет проценти, ризикувајќи целосно да ја маргинализира партијата и упати директен апел до членовите, симпатизерите, пратениците и градоначалниците од редовите на опозицијата да бидат внимателни и да не дозволат да бидат вовлечени во сценарија што водат кон изолација и слабеење на институциите.

„Македонија заслужува стабилност, достоинство и напредок, и ние ќе продолжиме да работиме токму за таква иднина. Упатуваме повик до членовите и симпатизерите на СДСМ – бидете внимателни. Не дозволувајте да бидете вовлечени во сценарија што водат кон изолација, кон уништување на партијата, слабеење на институциите и оттргнување на државата од европскиот пат“ изјави портпаролот на ЗНАМ.

Мемов предупреди дека целиот товар од ваквите деструктивни политики ќе падне врз базата на партијата, додека, како што рече, двоецот Зоран Заев и Венко Филипче ќе остане изолиран од политичките последици, продолжувајќи да дејствува без отчет пред јавноста, уживајќи во моќта на златните визи и крстарејќи на луксузни јахти.

Поврзани теми:

топ|Филипче|Сдсм бојкот

Повеќе на оваа тема:

Најнови вести од: Македонија

Во клиниката за инфективни болести во Скопје двајца пациенти со западнонилска треска се во критична состојба, за тројца се чекаат резултати

Двајца пациенти на возраст од 76 и 66 години од седумте хоспитализирани на Клиниката за инфективни болести со западнонилска треска, се во критична состојба и се на механичка вентилација на одделот за интензивно лекување, изјави попладнево директорот на Клиниката, Фадил Цана, кој рече дека дополнително за уште тројца пациенти, кои се примени со дијагноза акутно заболување на мозокот и мозочната обвивка, во текот на денов се чекаат лабораториските резултати од Институтот за јавно здравје.

Митева: На 16 август во Струмица ќе настапат најголемите и највлијателни уметници во електронската музика Пол ван Дајк и Пол Оукенфолд!

Двајца од најголемите и највлијателни уметници во електронската музика Пол ван Дајк и Пол Оукенфолд ќе настапат во Струмица на 16 август во Градскиот парк, како дел од манифестацијата „35 години независност на Македонија“. Оваа манифестација започнува на 2 август – Илинден во Битола, а завршува на 8 септември во Скопје.

Турската кинематографија во фокусот на Beach Film Festival Ohrid

Учеството на Република Туркије како земја во фокус на деветтото издание на Beach Film Festival Ohrid уште еднаш ја потврди важноста на филмот како мост за културна соработка, меѓународно поврзување и промоција на културното и туристичкото богатство на Туркије.

За завршување и целосно опремување на новата Клиничка болница во Штип – 109 милиони евра

Завршувањето и целосното опремување на новата Клиничка болница во Штип, инвестиција проценета на околу 109 милиони евра, беше тема на денешната средба меѓу министерот за здравство Сашо Клековски, директорот на Фондот за здравствено осигурување Златко Перински, градоначалникот на Штип Иван Јорданов, раководството на Клиничката болница и претставници на Светската банка.

Меморандум за соработка меѓу „Македонски Шуми” и КПУ „Затвор” – Струмица: Осуденици ќе бидат ангажирани во шумарски активности

Јавното претпријатие „Македонски шуми“ и Казнено-поправната установа „Затвор“ – Струмица потпишаа меморандум за меѓусебна соработка, со кој ќе се зајакне координацијата меѓу двете институции преку ангажман на осудени лица во општокорисна работа. Претходно, од 16 до 22 јули осуденици од КПД „Идризово“, КПД Штип, КПД Прилеп, како и од КПУ Скопје, Куманово, Битола, Гевгелија, Струмица и Струга, учествуваа во седумдневна работна акција за одржување на хигиената на магистралните и регионалните патишта низ Македонија.

Мицкоски до Филипче: Кога бевте министер за здравство ви гореа луѓе во модуларни болници, а во Гостивар пиеја вода, опасна за здравјето, но не презедовте ништо!

Премиерот Христијан Мицкоски денеска, на собраниската седница, посветена на пратенички прашања, во одговор до лидерот на СДСМ Венко Филипче истакна дека во време кога тој бил министер за здравство имало извештаи за бактериолошки неисправна вода во неколку градови во 2019, но тој, како што рече, тогаш не презел ништо. Премиерот нагласи дека Обвинителството треба да се позанимава со овие случаи. 
Сите вести од Македонија

Најнови вести

To top