Во центарот на Скопје во тек е обнова на плоштадот „Македонија“, оставен на забот на времето во мандатите на градоначалниците Петре Шилегов и Данела Арсовска.
„
Го враќаме сјајот на Скопје!
Деновиве интензивно се работи на сите страни низ градот.Го средуваме она што со години беше запоставено, а требаше да се одржува секојдневно, затоа што Скопје го заслужува најдоброто.
На плоштадот „Македонија“ се заменуваат скршените и пропаднати плочки, фонтаните што подолго време беа оставени на забот на времето повторно ги враќаме во функција, а пристапните патеки конечно ќе престанат да бидат предизвик и мачнина за граѓаните.
Скопје мора да биде достоинствен, уреден и убав град, токму таков како што го паметиме и каков што сакаме да го оставиме за идните генерации.
Го правиме тоа за нас, но и за сите гости кои секојдневно доаѓаат да го запознаат нашиот главен град“, објави градоначалникот Орце Ѓорѓиевски на социјалните мрежи.