Регулаторната комисија за енергетика, денеска треба да ја соопшти одлуката за новите малопродажните цени на горивата .
Во пресрет на одлуката, Владата соопшти дека мерката за намалена акциза на горивата ќе остане во сила до 15 јуни. Дополнително, најавен е и попуст од два денари по литар како резултат на договорот со рафинеријата ОКТА.
Според владините проценки, дизел горивото би можело да поевтини за околу 6,5 денари по литар, додека бензините би можеле да добијат намалување од приближно 1,5 денари.
Од Владата оценуваат дека ваквите мерки треба да придонесат за намалување на финансискиот товар врз граѓаните и компаниите, особено во секторите кои најмногу зависат од транспортот и енергенсите.
Премиерот Христијан Мицкоски во текот на викендот изјави дека очекува трендот на стабилизација на цените да продолжи и во наредниот период, нагласувајќи дека горивата во земјава и понатаму се меѓу поевтините во регионот.