Македонија

Се подготвува ли ДУИ за војна, или за локални избори: прогласи „сеопшта национална мобилизација на Албанците“ за 19 октомври?!

„Имаме поддршка од сите страни за сеопштата мобилизација. Сите на нога за достоинството, сите на нога за нашата победа!“ – извикува со своевидна воинствена интонација во своето соопштение партијата на Али Ахмети по вчерашната седница на нејзиното централно претседателство, небаре одат во некаков воен судир, а не на локални избори!

1 минута за читање

„Демократската унија за интеграција прогласи национална мобилизација на Албанците за плебисцитната победа на 19 октомври! Усвоени се уште три други кандидатури за локалните избори.“ – соопштено е по вчерашната седницата на централното претседателство на оваа партија, која ја свика лидерот Али Ахмети. Оваа информација ја објавија весникот „Лајм“ и други медиуми на албански јазик во Македонија

„Лајм“ натаму истакнува: „Раководството на ДУИ расправаше вчера за сегашните политички случувања, за мобилизацијата на Националната алијанса за интеграција и за подготовките за референдумот на 19 октомври. На оваа седница се усвоени кандидатурите за градоначалници на општини: на Фламур Ѓолека за општина Долнени, за општина ласнина на Али Јаоски и на општина Бутел на Исамедин Азизи.“

„ДУИ смета дека референдумот на 19 октомври ќе биде историски момент за народот и можност за враќање на достоинството на државата. Имаме поддршка од сите страни за сеопштата мобилизација. Сите на нога за достоинството, сите на нога за нашата сеопшта победа.“ – наведува партијата на Али Ахмети

Поврзани теми:

топ|актуелно|ДУИ|Албанци|кандидати за градоначалници|локални избори|али ахмети|„сеопшта национална мобилизација“

Повеќе на оваа тема:

Најнови вести од: Македонија

Средба Филипче-Мејдани за „политичката одговорност и потребата од зрелост и визија во предизвикувачките времиња за регионот“

„Амбасадорот на Република Албанија во Скопје, Денион Мејдани оствари вчера средба со претседателот на СДСМ Венко Филипче, во просториите на Албанската амбасада. Фокусот на разговорот беше на дијалогот насочен кон иднината, со посебна нагласка на политичката одговорност и потребата од зрелост и визија во предизвикувачките времиња за регионот.“ – објави информативниот портал на албански јазик „Алмакос“. Веста е заснована врз објавата на албанскиот амбасадор преку фејсбук. За оваа средба вчера не соопштија ништо ниту СДСМ на својата интернет-страница, ниту неговиот лидер Филипче на својот фејсбук-профил.

Како е можно во Македонија да опаѓа бројот на Македонци, а да расте бројот на Албанци?!

Според државните податоци на кои се повикува порталот, во Макдонија имало 16.061 родени и 20.201 починати, што означува природен пад на населението. Но, податоците по етничка припадност покажуваат значајни разлики меѓу двете најголеми заедници.

Темелко од „Преспа“ и Симонофски од „ВМРО ДПМНЕ Албанија“ ги израдуваа со новогодишни пакетчиња Македончињата во општина Пустец

Македонските активисти Едмонд Темелко, претседател на друштвото „Преспа“, и Елена Симонофски, претседателка на здружението „ВМРО-ДПМНЕ Албанија“, продолжуваат со распределба на новогодишни пакетчиња за Македончињата во Албанија, со цел, како што велат „да внесат радост и насмевки кај најмладите Македончиња за време на празниците“. Денеска, на 27 декември 2025 година, тие им донесоа радост и насмевка на дечињата-Македончиња од селата Туминец и Горна Горица, од Општина Пустец.
Сите вести од Македонија

Најнови вести

To top