Откако веднаш по локалните избори категорично ја отфрли можноста да го прошири владиното мнозинство, лидерот на крило во Алијансата за Албанците, Зијадин Села, сега е подготвен да го стори тоа, но под три услови.
„Прво, усвојување на уставните амандмани и деблокада на евроинтеграциите, потоа отстранување на 20 отсто и впишување на албанскиот јазик во Уставот и одлуки со Бадентериевиот принцип да се носат и во Уставниот суд. Ова би биле три теми, доколку се реализираат првично, тогаш би можеле да се водат преговори со Алијансата за Албанците“, рече Села на прашањето дали постои можност да стане дел од Владата.