Македонија

Селекторот на македонската одбојкарска репрезентација Јошко Миленковски добитник на државната награда „8 септември“ за животно дело во спортот

Тој е најтрофејниот македонски спортски тренер во сите категории со вкупно 28 трофеи во Македонија.

Добитник на државната награда „8 Септември“ за 2025 година за животно дело е проф.д-р Јошко Миленковски, сегашниот селектор на македонската одбојкарска репрезентација на Република Македонија, како признание за неговиот извонреден придонес во унапредувањето на спортот, но и за афирмацијата и претставувањето на Република Македонија во меѓународни рамки. Оваа награда на Миленковски ќе му биде врачена денес на пригодна свеченост во Собранието на Република Македонија.

Јошко Миленковски, роден на 11 ноември 1960 година во Крушево, е одбојкар и најтрофеен македонски спортски тренер во сите категории, со вкупно 28 трофеи во Македонија, од кои 15 во првенствата на Македонија со Работнички Фершпед, 13 купа, од кои 12 со Работнички и еден со Борец Универзал промет.

Миленковски се издвојува од поодамна како едно од најголемите спортски имиња на Македонија. Покрај својот повторен ангажман во македонската одбојкарска репрезентација, во која се врати по 15 години, тој е е и редовен професор во Факултетот за физичка култура по предметот одбојка.

Државни награди „8 септември“ за 2025 година за исклучителни спортски постигнувања ќе им бидат врачени на Хамид Бакија, Зоран Николовски, Виктор Тевчев и Кирил Манев – спортисти, стручњаци и спортски дејци, кои, исто така, оставиле значаен белег во македонскиот спорт.

Овие награди ги доделува соодветна комисија, која постојано ја организира оваа свеченост на прагот на 8 септември – Денот на независноста и самостојноста на Република Македонија.


.

Најнови вести од: Македонија

„Лазо Ангеловски“ доби систем за следење на потрошувачката на енергија

Министерството за енергетика, рударство и минерални суровини денес го посети основното училиште „Лазо Ангеловски“ во општина Аеродром, каде што веќе се инсталирани и успешно функционираат современи системи за паметно мерење и управување со потрошувачката на електрична енергија – дел од иницијативата што започна со потпишаниот Меморандум за соработка со Македонски Телеком. На посетата присуствуваа министерката […]

Град Скопје со кривична пријава кон „Комунална хигиена“ оти не го собира ѓубрето

Проблемот со отпадот во Скопје не е само сега, тој се провлекува со години наназад, а дел од општините преку разни активности со свои капацитети се обидуваа колку толку да исчистати покрај тоа што граѓаните редовно плаќаат за оваа услуга.

Најнови вести

To top