Во грчкиот град Катерини е уапсен 60-годишен маж, осуден во Македонија за убиство што го извршил пред 28 години во својата земја.
Против македонскиот државјанин беше распишана европска потерница, која беше извршена од грчките власти.
Шеесетгодишникот ќе биде однесен во Апелацискиот суд во Солун, со цел да се покрене постапката во врска со барањето за негова екстрадиција во татковината.
Според обвинителските документи на македонските власти, кривичното дело е извршено во ноември 1997 година, а жртвата е 37-годишен Македонец. Убиецот пукал во него по сообраќајна несреќа што ја предизвикал намерно, со цел да го принуди да излезе од возилото и да го нападне.
Бараниот човек бил осуден во 1998 година на 15 години затвор од суд во Македонија, но, избегал и живеел со години во странство, и тоа во Турција, Бугарија и последно во Грција.