Македонија

Шпионски љубовен скандал го тресе Балканот, загрозени силите на НАТО на Косово

Балканските Мата Хари и Џејмс Бонд во центарот на големата афера

2 минути за читање

Шпионски љубовен скандал во кој се загрозени силите на НАТО на Косово а во кој во главни улоги се Хрват и Србинка го тресе Балканот.

Во скандалот хрватски пилот ѝ протекол информации за акциите на НАТО во Косово на својата српска девојка.

 

Според IndexHR, повикувајќи се на свои извори, пилотот е осомничен дека му предавал класифицирани информации на својата српска партнерка, која потоа го проследила материјалот до претставници на просрпската политичка партија во Косово – Српска листа.

 

Истрагата за аферата ја спроведуваат и цивилната и воената полиција, а во неа е вклучен и Европол.

 

Двајцата осомничени се веќе испрашани, а властите одлучуваат за нивниот континуиран притвор.

Истражителите веруваат дека од крајот на 2022 година до 2025 година, хрватскиот офицер давал информации за движењето на српското население во северно Косово, како и за распоредувањето и движењето на единиците на КФОР.

Тој, исто така, доставувал податоци за ситуацијата во областа Зубин Поток, која се смета за една од главните точки на судири меѓу Србите и Косоварите.

 

Истрагата откри дека двајцата љубовни партнери размениле информации за префрлањето на Дејан Пантиќ, поранешен косовски полицаец обвинет за вмешаност во напади врз членови на Централната изборна комисија во северна Митровица.

 

Протекувањето на информации можело да ги загрози мировниците на НАТО и да влијае врз внатрешната политика на Косово со зајакнување на проруските и просрпските сили во регионот, тврдат хрватските медиуми.

Поврзани теми:

топ|КОсово|НАТО|шпионска афера|Хрват|србинка

Повеќе на оваа тема:

Најнови вести од: Македонија

Мицкоски: По жестоките и рафални критики кон Англија опозицијата сега ова го прави и кон САД! Очекувам набргу многу добри вести за граѓаните!

Ќе ве потсетам, не толку одамна, кога беа наметнати трговските тарифи од 35 проценти, истите тие опозициски перјаници, кои јас ги нареков талог на општеството во политиката, поитаа да го навредуваат нашиот стратешки партнер САД, а никаде ги немаше да се извинат кога се нивелира таа ставка на 15 проценти. Во оваа смисла јас би бил внимателен и трпелив и набргу очекувам многу добри вести за македонските граѓани – изјави премиерот Мицкоски.

Учениците се враќаат на настава на 20 јануари – надлежните со апел да нема отсуства

Министерката министерката за образование и наука апелира до родителите и до учениците да бидат редовни во училиштата и што е можно поретко да отсуствуваат, зашто, како што додаде, сите испитувања и во земјава и во светот покажуваат дека оние што редовно ја посетуваат наставата постигнуваат подобри резултати.

Важни вести за Македонија од Брисел: „Политико“ јавува за „планот за двостепена ЕУ“ и „отежнување на правото да се користи ветото“!

„ Новите предлози ќе понудат можност да се стане членка на ЕУ, но ќе се ограничат некои права за донесување одлуки – а можните членки се поделени. Земјите што чекаа со години да се приклучат кон ЕУ се поделени околу плановите, што се изготвуваат во Брисел, за да им се дозволи да станат членки без вообичаеното полноправно право на глас. Меѓу малкуте земји во Источна Европа и Западен Балкан, кои се во ред за пристапување кон блокот, се појавува поделба околу условите поврзани со нивните апликации. Некои инсистираат дека треба да ги добијат сите придобивки од блокот, додека други се среќни само што се на масата.“ – објави денес аналитичкиот магазин за европски прашања „Политико“ од Брисел за моментните расправи, кои се водат во Брисел за планот за „двостепена ЕУ“, што може да има соодветно значење за евроинтеграцијата на Македонија.
Сите вести од Македонија

Најнови вести

To top