Македонија

Шукова ја одби понудата на Ѓорѓиевски да му биде соработничка како директор

Кандидатска понуда

Каја Шукова, кандидатката за градоначалник на Скопје од редовите на СДСМ, рече дека не му се понудила на противкандидатот од ВМРО-ДПМНЕ, Орце Ѓорѓиевски, да биде директорка на „Комунална хигиена“ доколку тој победи и додаде дека таа никогаш не би соработувала како негов помошник.

Во недостаток на план и визија за Скопје, кандидатот на ВМРО-ДПМНЕ, Орце Ѓорѓиевски, се обидува да биде вицкаст. Ова е коментарот на кандидатката за градоначалник на Скопје од СДСМ.

На директно новинарско прашање дали би ја прифатила понудата за директорска позиција, Шукова одговори:

„Не сум размислувала на таа тема, јас имам сега друга работна задача. Јас сум тука да победам, да им дадам на граѓаните можност да имаме убаво, современо, чисто и зелено Скопје“.

Ѓорѓиевски вчера рече дека секоја идеја од противкандидатите која ќе придонесе за поквалитетен живот ќе биде земена предвид и применета.

„Горан Марковски ќе биде вклучен после изборите како дел од моите советници доколку би прифатил таква работа да помогне во однос на сите овие проекти кои што треба да ги реализираме. Каја Шукова, мислам самата се понуди за директор на „Комунална хигиена“. Може ќе спроведеме постапка – интервју. Ако се покаже дека е најдобар кандидат можеби ќе биде поставена за директор. Така што, апсолутно јас сум растоварен од тоа кој од каде доаѓа“, вели Ѓорѓиевски.

Најнови вести од: Македонија

Али Ахмети свика за утре седница на Централното претседателство на ДУИ – ќе се анализираат резултатите од изборите

Шефот на „интегративците“ утре ќе го прекине четиридневниот молк по дебаклот, што го доживеаја тој и неговата партија ДУИ и опозициската коалиција Национална алијанса за интеграција. Дали Ахмети и ДУИ ќе го прифатат и ќе го признаат поразот во првиот изборен круг?

Кандидатот на НАИ за градоначалник на Тетово Реџепи објави фотографија со Али Ахмети, „неколку дена по изборите“, пишува „Тетова сот“

Али Ахмети не се појавил лично во јавноста веќе четврти ден, откако заврши првиот круг на локалните избори кога ДУИ и нивната опозициска коалиција Национална алијанса за интеграција доживеаја дебакл.

Се отвораат нови линии – Договор со Обединетото Кралство за авио-сообраќај

Договорот за редовен воздушен сообраќај помеѓу Македонија и Велика Британија се потпиша на иницијатива на Велика Британија и претставува нова правна рамка со која се уредуваат односите во делот на редовниот воздушен сообраќај помеѓу двете земји.

(Фото): Дератизација, чистење и нов систем за собирање отпад – Општина Центар со вонреден еко-план

Општина Центар воведе вонредни мерки за справување со наталожениот смет и зголемената појава на глодари, најавувајќи итна дератизација, поставување нови пунктови за отпад и вклучување на сите општински служби во акција за чистење.

(Видео): Ќе има нови инвестиции и поддршка од Владата, кажа Мицкоски

Ние сме народна партија, партија која што треба да биде слуга на граѓаните на народот. Тоа значи дека нема одмор и треба да се работи секој ден во неделата бидејќи имаме многу да сработиме нема работно време, се почнува рано, се завршува доцна, секогаш треба градоначалникот да биде достапен, рече претседателот на ВМРО-ДПМНЕ, Христијан Мицкоски.

To top