Вчера, службеници на Полициската станица за безбедност на патиштата во Тетово го уапсиле лицето А.Л. (37) од Швајцарија поради возење со двојно поголема брзина од дозволеното.
„При сообраќајна проверка е утврдено дека тој управувал „Мерцедес“ со швајцарски национални регистарски ознаки со брзина од 155 километри на час на место каде што максималната дозволена брзина е ограничена со знак од 80 километри на час надвор од станбена зона“.
„Тој е приведен во полициска станица и по документирање на случајот, против него ќе биде поднесена пријава по член 297-а од Кривичниот законик – „небрежно управување со моторно возило““, велат од Министерството за внатрешни работи.