Син на еден од најбогатите Македонци со боксови нападнал татко и брат на екс сопругата на која не успеа да го го земе детето , јавуваат повеќе медиуми.
Синоќа на роденденска прослава на детето на Невена Спасеска, се случил инцидент во кој физички биле нападнати нејзиниот татко и брат.
Според очевидците, нападот го извршил поранешниот сопруг на Спасеска, кој со боксови удирал кон нив, објавува Република.
Очевидци наведуваат дека инцидентот предизвикал голема паника и вознемиреност кај присутните, а дечиња кои биле на роденденот реагирале со пискање од страв. Настанот веднаш бил пријавен во Полициската станица Карпош, каде што полицијата излезе на терен и се работи на негово расчистување.
Инаку, поранешниот сопруг на Невена е познат и по претходен инцидент во кој имало напад врз пратеничката Славјанка Петровска.
Невена Спасеска е мајка која беше иницијално лишена од старателството над своето четиригодишно дете. Врховниот суд ја поништи контроверзната пресуда, давајќи и нова можност да го врати детето и да го продолжи животот како законски старател.
Екс сопруг на Невена е Спасе Спасески менаџер на една од најбогатите македонски компании инаку син на Перо Спасески охридски бизнисмен.
Иако преходно Спасе е осуден за семејно насилство тој со сомнителни одлуки на судот и центарот за социјална работа во Охрид и апелација во Битола успеа да добие пресуда со која му беше доделено четиригодишно дете.
За среќа Врховниот суд ја утврди незаконската шема на повеќе судии и социјални работници и дете го врати кај мајката по што постапката ќе почне од почеток.