Македонија

Скандал: „Аналитичарот“ Мехази повикува да се подели „РСМ“ на албански и македонски дел, „зашто никој не ја сака, дури ниту Македонците“?!

Дали и како ќе реагираат надлежните државни институции во Република Македонија по ваквиот јавен повик за уривање на нејзиниот територијален интегритет, но имајќи ги предвид и сериозните квалификации за „нереагирањето на НАТО и да се пролее крв во државата“, како и етничките навреди дека „Македонците се Славосрби“?

2 минути за читање

„Политичари од С.Македонија, можете ли да ги чуете граѓаните дека никој не ја сака оваа земја, ниту Албанците, ниту Македонци? Затоа, здружете се и поделете ја С.Македонија на два дела: Албанците од една страна, Македонците од друга страна и секој нека си работи за себе. Зашто, не се прави држава со Македонци и Албанци, кои не се сакаат едни со други!“ – наведува Сулејман Мехази од Тетово во својство како „аналитичар“, во својата скандалозна колумна со наслов „Дури ни самите Македонци не ја сакаат С.Македонија“, која ја објави весникот на албански јазик „Бота сот“.

Натаму Мехази наведува: „Велите дека не може да се подели затоа што е членка на НАТО, но НАТО не се грижи за внатрешната политика на РМВ, но дури и да се пролее крв внатре во РМВ, НАТО нема да реагира, затоа што мисијата на НАТО е да ја заштити С.Македонија однадвор, а не од албанско-македонските политички проблеми.“

„Вие, албански политичари, не молете ги Македонците да живеат со нас, тие не нè сакаат, а зошто ние да ги сакаме?! Не плашете се и однесувајте се храбро како што им доликува на Албанците, а географската и геостратегиската положба е на страната на албанските граѓани во С.Македонија, која  освен Србија, никој не ја сака околу границите: Грција не ја сака оваа република, Бугарија не ги сака, потоа на границата има и Албанци од Косово и Албанија. Македонците се Славосрби, затоа се согласуваат само со својот геноциден сосед Србија.“

„Ако се случи во српските села во Куманово РМВ да биде нападната од српски терористи, како во Бањска на Косово, сигурни сме дека мнозинството Македонци од се срце би ги поддржале терористите на Стоилковиќ и Вучиќ во Куманово.“

Поврзани теми:

македонци|тетово|Албанци|„С.Македонија“|Сулејман Мехази|поделба

Повеќе на оваа тема:

Најнови вести од: Македонија

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.
Сите вести од Македонија

Најнови вести

To top