„Со зачленувањето на Албанија во ЕУ Албанците од С.Македонија ќе добијат европски пасоши од Албанија и тогаш заедно со оние 200 илјади граѓани, кои имаат добиено бугарски пасоши, ќе ја претворат РСМ во албанско-бугарска унија со своја територија, јазик и традиции!“ – ова скандалозно писание на „политичкиот аналитичар“ Сулејман Мехази од Тетово со белег на екстремна етничка провокација кон македонскиот народ и директни закани кон територијалниот интегритет и унитарноста на Република Македонија, е објавено во косовскиот весник „Бота сот“.
Во „колумната“ со наслов „Колку повеќе тера инает С.Македонија со ЕУ, толку е подобро за Албанците и Бугарите“ Мехази наведува: „Не знаеме зошто повеќето албански политичари, аналитичари и обликувачи на албанското јавно мислење ја критикуваат владата на Мицкоски за негативниот и критички Извештај на Европската комисија за РСМ, кога проблемот паѓа врз Македонците, а не врз Албанците и Бугарите.“
„Со зачленувањето на Албанија во ЕУ, не само што ќе се реши прашањето на Албанците од С.Македонија, туку и државата на Мицкоски, преку пасошите на европска Албанија од мнозинството албански граѓани во оваа кревка република ќе стане унија на Албанците од С.Македонија со Албанија.“
„Ако мнозинството тетовци добијат албански пасоши, нормално е Тетово да стане Албанија, а тоа ќе се случи во сите општини населени со Албанци. Од друга страна, според информациите од бугарската држава, околу 200.800 граѓани на РСМ добиле бугарски пасоши, што има смисла и така Бугарија, исто така, ќе земе дел од од територијата на РСМ.“
„Така што на легитимен начин албанските и бугарските граѓани ќе живеат како жители на Албанија и Бугарија на територијата на РМВ со албанско-бугарска територија, јазик и традиции.“ – завршува Сулејман Мехази во своето скандалозно писание.