Македонија Хроника

Скандал: Не им давал лекови на тешко болните – ексдиректорот на Онкологија обвинет за сериозни кривични дела

Две обвиненија за тешки кривични дела поднесени против Нино Васев, поранешен директор на Онкологија. Суспендираниот и веќе пензиониран онколог кој 5 години раководеше со клиниката ќе одговара за злоупотреби овозможени од директорската позиција но и сериозно загрозување на здравјето на луѓето и несовесно лекување болни, пренесе Сител, повикувајќи се на Обвинителството. Првообвинетиот поранешен директор не […]

3 минути за читање

Две обвиненија за тешки кривични дела поднесени против Нино Васев, поранешен директор на Онкологија. Суспендираниот и веќе пензиониран онколог кој 5 години раководеше со клиниката ќе одговара за злоупотреби овозможени од директорската позиција но и сериозно загрозување на здравјето на луѓето и несовесно лекување болни, пренесе Сител, повикувајќи се на Обвинителството. Првообвинетиот поранешен директор не почитувал онколошки упатства, имало погрешно дозирање односно отстапки во процесот на лекување и ваков несоодветен третман е утврден кај 29 пациенти. Во ова му помагала колешка од одделот за малигни тумори на дојка. За несовесен третман ќе одговараат и двајца онколози од одделот за малигни тумори на бели дробови.

  • Во дел од случаите ова му било овозможено од втората обвинета која му ставила на располагање свој факсимил со кој одобрувал и препишувал терапија и свое корисничко име и лозинка со кои радолжувал терапија во ХИС системот на ЈЗУ Универзитетска клиника за онкологија и радиотерапија. Другите двајца лекари се обвинети за кривично дело Несовесно лекување болни, бидејќи врз основа на медицинските истории е утврдено дека одредувале терапија со лекови од новите генерации на таргет и имунотерапија во фаза на лекувањето кога било многу очигледно дека пациентите од таквиот лек воопшто нема да имаат корист, поради лошиот перформанс статус и немањето време да се развие механизмот на дејство, без да биде наведена телесна тежина и висина на пациентите, со отстапувања во дозирањето, со што дополнително ја влошиле нивната состојба, изјави Ана Гоговска Јакимовска, предметен обвинител

Во другиот обвинителен акт Васев е обвинет заедно со поранешниот медицински директор Нехат Нухи. Двајцата ќе одговараат за проневера, измама и злоупотреба на службената положба со што го оштетиле државниот буџет за над 35 милиони евра. Во ова дело е и присвојувањето на лекови кои пациети иако требало, не ги добиле.

  • Ако постои дефиниција за сложен оредмет, тоа е овој и досега не сум имал посложен предмет, како дел од ОЈО Скопје. Не сум учествуал досега во ваква постапка. Сложен е и од аспект на дејствијата што ги презеле или не ги презеле инволвираните, како и од аспект на последиците врз болните и врз целото општесто, изјави Гаврил Бубевски, шеф на скопското обвинителство.

Скандалот Онкологија се случи пред околу 2 години кога јавноста беше згрозена од изформациите за несоодветниот третман на пациентите и богатење на грбот на најтешко болните. Овој епилог со две обвинненија споре јавниот обвинител треба да биде и една поука за соодветно постапување и третирање на пациентите во здравствените установи.

Поврзани теми:

актуелно|избор|топ

Најнови вести од: Македонија Хроника

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.
Сите вести од Македонија

Најнови вести

To top