Македонија

Скендер Реџепи-Зејд ќе трча за градоначалник на Скопје

Тој ќе биде заеднички кандидат на опозициските политички партии кои ја сочинуваат Национална алијанса за интеграција.

Информацијата за кандидатурата на Скендер Реџепи Зејд, пратеник и лидер на Народното движење,  ја соопшти лидерот на ДУИ Али Ахмети во објава на Фејсбук

„По консултациите со лидерите на политичките партии кои ја сочинуваат Национална алијанса за интеграција, со целосно единство и со заедничка одлука, се договоривме дека наш кандидат за градоначалник на Скопје да биде Скендер Реџепи кој е претседател на политичката партија Народно движење.

Дипломирал на Филозофскиот факултет, поседува долго и докажано искуство во граѓанскиот сектор и граѓанското општество.

Моментално е пратеник во Собранието на Република Северна Македонија, каде е глас на граѓаните, бранител на нивните права и застапник на длабоките политички и социјални реформи“, напиша во објавата Ахмети.

Според Ахмети,  Реџепи има долго и докажано искуство во граѓанскиот сектор и граѓанското општество и дека е јасна алтернатива на Скопје, град кој заслужува еднаков развој.

„Националната алијанса за интеграција убедена е дека со Скендер Реџепи – Зејд, Скопје ќе има градоначалник кој ја знае реалноста, ги слуша граѓаните и работи за сите подеднакво“, објави Ахмети.

Со оваа одлука, Реџепи-Зејд се приклучува на трката за градоначалник на Скопје заедно со Орце Ѓеорѓиевски од ВМРО-ДПМНЕ, Башким Бакиу од ВРЕДИ и Каја Шукова од СДСМ.

 

Најнови вести од: Македонија

Сиљановска-Давкова ги прими виолинистот Џек Либек и пијанистката Катја Апекишева

Претседателката Гордана Сиљановска-Давкова ги прими британските уметници, виолинистот Џек Либек и пијанистката Катја Апекишева, коишто вечерва ќе настапат на британската вечер, во рамки на 65. издание на Охридско Лето. На средбата во вила Билјана во Охрид присуствуваа и директорот на фестивалот Ѓорѓи Цуцковски, како и Клер Сирс, директорка на Британскиот Совет. Истакнувајќи дека имаат чест […]

To top