Повеќе канти за отпадоци, нови автобуси, повеќе зеленило и паркови, луна парк за најмалите, спортски игралишта. На скопјани им недостига чиста метропола, со среден јавен превоз каде ќе можат да живеаат подобро, онака како што се живее во подалеку поразвиените земји. Граѓаните оптимисти дека по локалните избори главниот град повторно ќе се врати во нормала и ќе се решат најгорчливите проблеми со нехигиената и хаотичниот сообраќај во градот.
Дел од граѓаните разочарани од актуелната градоначалничка, велат спие во зимски сон, а градот наликува на змијарник со неискосени треви насекаде. Децата да има каде да си уживаат слободно, си посакаа самите. Денеска во Градскиот парк со нивните наставнички уживаа во убавото време.
Актуелната градоначалничка вети пет мега паркови во општините Аеродром, Ѓорче Петров, Чаир, Гази Баба и Кисела Вода. Нови еколошки автобуси како и бесплатен јавен превоз, но граѓаните го добија обратното: останаа на улица, а возачите без плата.
Исто така, нема ниту трага од најдобриот, како што таа го најавуваше, луна парк на Балканот, но и од новите пет булевари. Листата со ветувања на Данела Арсовска е долга, но страните на реализација останаа неиспишани.
-Се бројат месеците до локалните избори, скопјани се уште имаат надеж за подобро и поквалитетно Скопје и бараат што поскоро да се решат проблемите со кои секојдневно се соочуваат.