Македонија

Слабите комунални услуги причина за пластичниот отпад во Вардар, велат надлежните

Министерството за животна средина посочува и дека во моментов Државниот инспекторат за животна средина е во фаза на подготовка на измени на Законот за инспекциски надзор во животната средина, со цел воспоставување на единствен систем на инспекциски надзор што ќе овозможи поефикасна и поефективна контрола во областа на животната средина

2 минути за читање

Откако вчера во медиумите се објавија фотографии и видеа на кои се гледа како илјадници пластични шишиња и останат отпад пловат по течението на реката Вардар, особено во Тетово и во центарот на Скопје, денеска со соопштение излезе и Министерството за животна средина и просторно планирање. Оттаму велат дека причина за ваквата состојба се должи на незадоволителното ниво на комунални услуги, особено во руралните средини.

  • „Во овие подрачја е евидентно присуство на помали или поголеми диви депонии на јавни површини, за чија санација и контрола се надлежни единиците на локалната самоуправа и општинските инспекциски служби“, се вели во соопштението од МЖСПП.

Од ресорното министерство велат дека заедно со Државниот инспекторат за животна средина континуирано укажуваат до Заедницата на единиците на локалната самоуправа (ЗЕЛС) на потребата од постојано следење на состојбите со управување со отпадот и засилено присуство на општинските интереси на терен.

  • „Во моментов, Државниот инспекторат за животна средина е во фаза на подготовка на измени на Законот за инспекциски надзор во животната средина, со цел воспоставување на единствен систем на инспекциски надзор што ќе овозможи поефикасна и поефективна контрола во областа на животна средина“, информираат од ресорното министерство.

Апелираат до општините, комуналните претпријатија и граѓаните за заедничка одговорност и дејствување во насока на чистотата на реките и водните текови.

Порталот „Тетово инфо“ објави видеоснимка од Вардар во близина на тетовското село Копанце, на која се прикажани илјадници шишиња и друг отпад по течението на реката.

Причината за енормната загаденост на реката, најверојатно, е подигнатото ниво на Вардар по обилните врнежи изминатите денови и повлекување на отпадот од брегот. Граѓани на социјалните мрежи реагираа за слична ситуација и по течението на Вардар во Скопје.

За ситуацијата алармираше и независната советничка во Општина Карпош, Татјана Стојановска, која на својот фејсбук-профил објави и видеоснимка од зголеменото ниво на пластичен отпад во Вардар.

Поврзани теми:

топ|Вардар|ѓубре|Комуналец|смет|МЖСП

Повеќе на оваа тема:

Најнови вести од: Македонија

„Основачот на УЧК“ Али Ахмети и „Здружението на косовската УЧК“ се „согласија“: протест „против Хаг“ ќе има и во „Скопје на Албанците“ во декември!

„Претседателот на Демократската унија за интеграција и еден од основачите на “Ослободителната национална армија“ – УЧК Али Ахмети, денес во Приштина беше примен од претставници на Организацијата на воени ветерани на Косово. Двете страни се согласија дека следниот протест против неправдите ќе биде организиран во Скопје, како продолжение на општествената и политичката мобилизација.“ – објави […]

Снимени мечка со две помали мечиња како се шетаат низ Шар планина (ВИДЕО)

Од Националниот парк Шар Планина објавија видео-снимка на нивната фејсбук страница, на која се гледа поголема мечка додека се шета со своите две малечки мечиња. „Видеото што го споделуваме е прекрасен потсетник дека кафеавата мечка е вреден, редок и строго заштитен вид на Шар Планина. Да ја почитуваме, да ѝ оставиме простор и да придонесеме […]

Алсат: „Заветот за сојуз“ на Ахмети и ДУИ стана „Скршен завет“, откако Села ги напушти со третина од АА, внесувајќи раскол во опозицијата!

Јавноста постојано ја сметаше како неприродна коалицијата на Алијансата за интеграција со ДУИ, која првично беше формализирана во рамките на Европскиот фронт, а подоцна продолжи во Националната алијанса за интеграција, со оглед на острите линии на анти-ДУИ политиката, што ги развија Зијадин Села и целата АА како партија.“ – нагласува ТВ Алсат во својата редакциска анализа со наслов „Од ‘Завет за сојуз’ до ‘Кршење на заветот’ – се растури коалицијата на Али Ахмети, замина и Зијадин Села со една третина од Алијансата за Албанците“.

Куп пропусти во постоперативниот период во судскиот процес за родилката од Дебар

Во Основниот суд во Струга денеска продолжи судскиот процес за случајот со родилката Јилдиз Веапоска од Дебар која при породување во Струшката болница остана без три органи. Сослушани беа супервештаците, кои кажаа дека првообвинетиот Мухамед Асани како хирург бил одговорен за царскиот рез и за постоперативната состојба на оштетената, но и покрај влошената здравствена состојба не направил дијагностика и ехо за настанатото крварење што довело до хеморагичен шок, кога непотребно ѝ биле извадени три здрави органи.
Сите вести од Македонија

Најнови вести

To top