Скопјанец е осомничен дека извршил тешка кражба во објект на булеварот „Борис Трајковски“ одземајќи алат вреден 6.000 евра, соопшти Министерството за внатрешни работи.
- „Кога при кражбата бил затекнат од чувар на градилиштето, осомничениот употребил сила и закана дека ќе го убие, физички го нападнал со тупаници по лицето и тешко телесно го повредил. Потоа побегнал, носејќи со себе една вреќа украдени предмети“, се наведува во полицискиот билтен.
МВР соопшти дека осомничениот 29-годишник влегол во магацинот на 12 октомври 2024 година со умисла да украде разновиден електричен алат, калориметри и други предмети во вредност од 363.000 денари.
- „Имајќи предвид дека осомничениот и претходно бил осудуван за кражби, како и начинот на кој го извршил ова дело, јавниот обвинител оценил дека постои ризик од бегство и опасност да го повтори делото, па до судијата на претходна постапка од Основниот кривичен суд Скопје доставил предлог за определување мерка притвор“, се додава во билтенот.