Утрово Македонија се разбуди во студени услови, со најниска температура од -7 степени Целзиусови измерена во Скопје, кај Петровец, според податоците на Управата за хидрометеоролошки работи (УХМР). Под нулата беа температурите во поголемиот дел од земјата.
Најниски минимални температури утрово:
- Скопје-Петровец: -7 °C
- Тетово, Велес, Штип, Демир Капија, Струмица, Берово: -6 °C
- Скопје-Зајчев Рид, Куманово, Битола, Кавадарци: -5 °C
- Охрид, Претор, Крушево: -1 °C
Снежна покривка (утрово):
- Попова Шапка: 24 cm
- Маврови Анови: 14 cm
- Крушево: 13 cm
- Тетово и Ѓуриште: по 1 cm
Денеска времето ќе биде сончево со мала до умерена локална облачност. Ќе дува слаб до умерен ветер од западен и северозападен правец. Максималните дневни температури ќе се движат од 3 до 10 степени.
Во Скопје се очекува сончево и тивко време, со максимална температура до 7 степени.
Студениот бран од север постепено се повлекува, а денеска преовладува стабилно и сончево време, што ќе овозможи пријатен ден и покрај утринскиот мраз.