Лице кое подметнува пожар, а потоа брзо го напушта местото откриле на видео снимка жителите на делчевската населба Први Реон
Настанот се случил доцна на 9 јули, а видеото од надзорната камера, поставена во близина, било предадено на надлежните служби.
Инцидентот првично бил пријавен од страна на загрижен граѓанин кој забележал сомнителен чад, а потоа со преглед на снимките се потврдило дека станува збор за намерно подметнување оган.
Локалните власти информираа дека истрагата е во тек и се работи на идентификација на сторителот.
Од општината Делчево ги повикуваат граѓаните на зголемена будност и итно пријавување на секое сомнително движење или обид за подметнување пожар.
„Апелираме до сите да не остануваат рамнодушни. Доволна е една искра за да изгори целиот регион. Заедно можеме да ги спречиме катастрофите“, велат од службата за противпожарна заштита во Делчево.