Со мало задоцнување Али Ахмети дојде до вистината за Артан Груби, оценува политичкиот аналитичар и екс министер за финансии Џевдет Хајредини кој ги цитира зборовите на кандидатот на ДУИ за градоначалник на Чаир Бујар Османи за неговиот до скоро нераздвоен колега Артан Груби.
,,Бујар Османи: Блискоста на Артан Груби со Ахмети ѝ наштети на ДУИ.
Со оваа изјава, Османи јасно имплицираше дека практиката на Артан Груби да ја монополизира блискоста со Ахмети ѝ наштети на ДУИ, додека според него, партијата сега ја плаќа сметката за тој период”, пишува Хајредини кој коментира дека Али Амети, со мало задоцнување, ги доби зборовите на Изет Меџити.
Хајредини алудира на ставот на Изет Меџити кој додека беше втор човек во ДУИ предупредуваше дека Груби носи штета за партијата.
Тогаш Ахмети не го послуша Меџити и дозволи Груби да го елиминира од партискиот врв во ДУИ.
Сега неговиот локален кадар Османи го кажува истото но Ахмети засега молчи за Груби кој според неофицијални партиски податоци има многу интересни информации за Ахмети и неговите блиски.