Македонија

Собранието на Македонија со дигитален асистент за лицата со попреченост

Собранието на Република Македонија денес објави дека ја модернизирало својата официјална веб-страница со интегрирање на напредни технологии за пристапност, со цел да се овозможи полесен и еднаков пристап до парламентарните информации за лицата со попреченост.

1 минута за читање

Собранието на Република Македонија денес објави дека ја модернизирало својата официјална веб-страница со интегрирање на напредни технологии за пристапност, со цел да се овозможи полесен и еднаков пристап до парламентарните информации за лицата со попреченост.

Новите функции го олеснуваат користењето на платформата за лица со визуелни, моторни и когнитивни попречености, правејќи ги содржините поразбирливи, навигацијата полесна, а информациите поблиски до сите граѓани. Веб-страницата сега вклучува дигитален асистент и други механизми за инклузивност.

Овие подобрувања се усогласени со Европската директива EN 301 549 и стандардите WCAG 2.1, следејќи ги најдобрите европски практики во дигиталното управување и почитувањето на човековите права.

Инвестицијата претставува јасна заложба на Собранието за поголема транспарентност, дигитализација, граѓанска вклученост и пофункционална демократија. Кога институциите ги прават информациите достапни за сите, тие стануваат поотворени и доверливи. Со овие иновации, Собранието продолжува да гради мостови на комуникација со граѓаните, докажувајќи дека дигиталната трансформација има вистинска вредност само кога е инклузивна.

Поврзани теми:

европска директива|Собрание|модернизација|Собрание на Република Македонија|модернзиација на веб страница

Повеќе на оваа тема:

Најнови вести од: Македонија

Станбениот квадрат отиде во „астрономијата“: Најмногу поскапеле становите во Куманово, Тетово, Карпош, Кисела Вода и Гази Баба

Во втората половина од 2025 година највисок скок на цените на продадени станови, споредено со истиот период од претходната година, има во Куманово за 24 проценти, Тетово 22 проценти, Карпош, Кисела Вода и Гази Баба со по 16 проценти, Центар 14 проценти, а пад на цените на продадени станови има во Гостивар два процента. – […]

Тошковски: Приведени 10 лица за марихуаната, запленета во Србија, од кои двајца се во притвор

Министерот за внатрешни работи Панче Тошковски за ТВ21 рече дека денеска ќе биде поднесена кривична пријава против 10 лица кои биле поврзани со произведената дрога марихуана која беше запленета во Србија. „Во текот на денешниот ден ќе се отпочне со поднесување на кривична пријава до ОЈО за гонење организиrан криминал и корупција, која опфаќа 10 […]

Поранешниот градоначалник на Росоман С.Н. си исплатил личен долг од 500.000 денари од општинскиот буџет!

Како што информираат од МВР, ОВР Кавадарци, до Основното јавно обвинителство Кавадарци, поднело кривична пријава против С.Н.(29) од Росоман поради постоење основи за сомнение дека сторил кривично дело „злоупотреба на службената положба и овластување“, казниво по член 353 од Кривичниот законик.

Договор за нови можности меѓу Македонија и Словачка, во фокус енергетика, ИКТ и здравство

Економската соработка меѓу Македонија и Словачка добива на динамика. Во Скопје, на Бизнис форум што ги обедини институциите и деловната заедница од двете земји, беше испратена јасна порака дека партнерството не треба да остане само на декларативно ниво, туку да прерасне во конкретни проекти, инвестиции и зголемена трговска размена.

Сиљановска-Давкова: Македонскиот јазик е темелот на идентитетот, чувар на колективната меморија и мост, што нè води напред во иднината!

„Без мајчиниот јазик не можеме да бидеме ни луѓе, тој е како матична клетка на идентитетот и на културата. Овој ден е посветен на љубовта, негата, грижата и почитта на сите мајчини јазици кај нас и во светот зашто на мајчин јазик најлесно и најдобро се изразуваат радоста и тагата, чувствата и мислите.“ – истакна претседателката на Република Македонија Гордана Сиљановска-Давкова на одбележувањето на Меѓународниот ден на мајчиниот јазик – 21 февруари денеска во Институтот за македонски јазик „Крсте Мисирков“.

Митева: Жерновски во македонската политика е „стара витрина со пајажина“, нема никакви политички познавања! (ВИДЕО)

„Со жалење ја следам паничната и хистерична реакција на Жерновски и СДС. Интегритетот на Жерновски во македонската политика, кој смени едно чудо партии, е еднаков на една стара витрина со пајажина, заборавена и надмината со времето. Го ставија во партиски тела за да се натпреварува кој ќе фрли повеќе кал, тоа е спорт омилен за мал дел од политичката елита на СДС. Обидот да конструира наратив за „скандал“ претставува класичен пример на политичка дезориентација и дефокус од суштинските прашања. Кога аргументите изостануваат, остануваат инсинуациите. Кога немаат одговори, продуцираат магла., реагираше портпаролката на Влада на Република Македонија Марија Митева на својот фејсбук-профил.

Сиљановска-Давкова: Понекогаш е непријатно летањето со старото владино „авионче на браќата Рајт“!

„Владиното авионче моите колеги-претседатели во регионот го нарекуваат ‘авиончето на браќата Рајт’, бидејќи е најмало и најстаро’.“ – рече денеска претседателката на Република Македонија Гордана Сиљановска Давкова во одговор на поставено новинарско прашање.

Елитен полицаец без возачка дивеел низ Скопје, му го одзедоа оружјето и ќе оди на психо-преглед!

Полицаец заработи кривична пријава откако бил фатен како управува автомобил без положен возачки испит, соопшти Министерството за внатрешни работи. Станува збор за Ѓ.К., вработен во Одделот за заштита на определени личности и објекти. МВР покрена и дисциплинска постапка.
Сите вести од Македонија

Најнови вести

To top