Бизнис

(Видео): Прераспределбата на буџетот е доказ за неспособноста да се реализираат капиталните инвестиции, вели Битиќи

Осумнаесет месеци слушаме иста реторика за расипништвото, дигитализација и капитални инвестиции. Се зборува дека градежништвото ќе биде генератор на економски раст, а главните изведувачи и работници на големите проекти се странци. На пример, на Коридор 8 од 2.500 работници, 2.200 се од странство. Како тоа ќе генерира вистински раст за македонската економија, рече Битиќи.

Пратеникот од СДСМ, Фатмир Битиќи, во емисијата „Бизнис21“ на ТВ21 остро реагираше на тврдењата на неговиот колега од ВМРО-ДПМНЕ, Љупчо Пренџов, дека прераспределбата на буџетот обезбедува средства за клучни инфраструктурни проекти, меѓу кои и за Јавното претпријатие за државни патишта (ЈПДП). Битиќи ја демантираше оваа информација, посочувајќи дека ЈПДП воопшто не е дел од буџетската прераспределба.

„Колегата Пренџов кажа дека има пари за ЈПДП – тоа не е вистина. Прераспределбата не го опфаќа ЈПДП. Тоа е вонбуџетска институција и воопшто не е засегната. Ова се прераспоредуваат средства само кај буџетските институции,“ рече Битиќи.

Тој додаде дека дополнителни средства има само за железничката инфраструктура преку Министерството за транспорт и врски, а не за патната инфраструктура.

„Да, има пари за железници, но тие одат во Министерството за транспорт и врски, од каде се пренасочуваат кон Македонски железници. ЈПДП не се занимава со железници, туку со патна инфраструктура – тоа се две сосема различни области,“ објасни пратеникот.

Според Битиќи, најголемиот проблем е што прераспределбата открива сериозни слабости во реализацијата на капиталните инвестиции.

„Најавивте околу 800 милиони евра капитални инвестиции за оваа година. А сте реализирале само 50 проценти – околу 400 милиони евра. И одеднаш, 200 милиони евра од капиталните расходи ги пренасочувате на други места,“ посочи тој.

Битиќи предупреди дека средствата кои формално остануваат во рамка на капитални расходи не ја задржуваат суштинската намена.

„Може да ги прикажете како капитални трошоци, но нивната примена е различна. Може да платите гаранција за понатамошно задолжување, за да се обезбедат пари за општините – но тоа не е капитална инвестиција,“ нагласи тој.

Во својата изјава, Битиќи оцени дека прераспределбата е „доказ за неспособноста и неможноста на Владата да го реализира она што самата го испланирала“.

Најнови вести од: Бизнис

Европската бизнис-асоцијација ги поврза студентите со бизнис-приказните – Глобална недела на претприемништвото

Студенти од економските факултети при УКИМ, УГД и ЈИЕУ имаа можност да разговараат со претставници на компании од различни сектори за препознавањето на потребите на пазарот, започнувањето сопствен бизнис и вештините потребни за негов развој.

(Фото): Николоски во Виена повика на регионална соработка и поврзување

Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар.

„Со свои раце, создадено со љубов“: 17. издание на Фестивалот на младо вино на „Тиквеш“ ги обедини луѓето и винската традиција

Фестивалот е и многу повеќе од прослава на младото вино, тој е прослава на луѓето, заедништвото, љубовта и вербата во иднината. Токму тие вредности се во сржта на филозофијата на „Тиквеш“, компанија која ја надградува својата богата традиција со знаење, иновации и современи пристапи, останувајќи посветена на создавањето вина и искуства што ги поврзуваат луѓето.

ЕВН вработува инженери, огласот е отворен до 23 ноември

Заинтересираните кандидати треба да имаат завршено средно електротехничко образование – IV степен, насока енергетика. Дополнителни квалификации за работа под напон, положен стручен испит за ракување со енергетски уреди и постројки, како и познавање компјутерски вештини ќе се сметаат за предност.

To top