Македонија

Србија е искрен партнер и пријател – Мицкоски се сретна со српскиот колега Мацут

Мицкоски истакна дека Србија е искрен партнер и пријател, со кого ја споделуваме визијата за стабилен, безбеден и просперитетен Балкан

1 минута за читање

Претседателот на Владата на Република Македонија, Христијан Мицкоски, денес во Владата оствари средба со премиерот на Република Србија, Ѓуро Мацут, кој престојува во официјална посета на нашата земја, соопшти Владата.

Двајцата премиери разговараа за унапредување на билатералните односи, економската соработка и инфраструктурното поврзување. Акцент беше ставен и на трговската размена, заедничките енергетски проекти и на олеснувањето на движењето на луѓе и стоки, се вели во соопштението.

„Премиерот Мицкоски истакна дека Србија е искрен партнер и пријател, со кого ја споделуваме визијата за стабилен, безбеден и просперитетен Балкан. Премиерот Мацут изрази поддршка за реформските процеси во државата и нагласи дека Белград и Скопје ќе продолжат да соработуваат на заеднички проекти, кои се во интерес на граѓаните на двете земји. Двете страни се согласија дека продлабочувањето на пријателските врски меѓу двете држави претставува значаен придонес за регионалната стабилност и европската перспектива на Западен Балкан“, соопшти Владата.

Поврзани теми:

Христијан Мицкоски|актуелно|Македонија|Србија|Ѓуро Мацут

Повеќе на оваа тема:

Најнови вести од: Македонија

„Политико“: Норвешкиот експремиер Јагланд под истрага за корупција и врски со досиејата на Епштајн – Во 2012 се интересирал за „необичните млади девојки од Албанија“!

Поранешниот норвешки премиер Торбјорн Јагланд се соочува со полициска истрага поради наводна корупција во врска со неговиот контакт со осудениот сексуален престапник Џефри Епштајн, додека бил претседател на Нобеловиот комитет и шеф на Советот на Европа! Името на Јагланд повторно се појави во најновиот бран документи од фајловите на Епштајн, објавени минатата недела. Во еден е-мејл од 2012 година Јагланд го информира Епштајн за „необични млади девојки“ во Албанија, додека во друг од 2013 година, тој вели „видовме слики од вашиот остров и би ни било драго да го посетиме“. Јагланд изјави за норвешкиот весник VG дека никогаш не бил на островот Епштајн. Ова го објави денес аналитичкиот портал „Политико“ од Брисел во својата статија со наслов „Поранешниот норвешки премиер под истрага за корупција поради досиејата на Епштајн“.

Ѓорѓиевски: Скопје добива нов лик, работиме засилено на точки, кои со години беа закочени, а дел од нив останаа само лажно ветување!

„Скопјани заслужуваат град со визија, ред и достоинство. Изминатава седмица работиме со засилено темпо на точки, кои со години беа закочени, а дел од нив останаа само лажно ветување. Денес, тие напредуваат.“ – објави на својот фејсбук-профил градоначалникот на Скопје Орце Ѓорѓиовски.

Николоски: Новиот состав на ИК на ВМРО ДПМНЕ ќе ги донесе победите на следните парламентарни, претседателски и локални избори

По синоќешниот избор на новиот ИК на партијата Николоски се заблагодари за довербата, што му ја укажа премиерот и претседател на ВМРО-ДПМНЕ Христијан Мицкоски.

Партенија Зографски, македонскиот црковно-народен и јазичен деец и духовен пастир на македонскиот народ – 150 години од смртта

На денешен ден, на 7 февруари се навршуваат 150 години од смртта на Партенија Зографски, првиот македонски учебникар, филолог, еден од најистакнатите културни и црковни работници од 19 век во Македонија и прв македонски митрополит. Се пројавил и како собирач на народни умотворби и прв почнал да печати македонски народни песни. Во весникот „Ден“ бр. 7, од 14. февруари 1876 година бил објавен некролог за упокојувањето на Партенија Зографски: „По долго боледување, во ноќта меѓу 6 и 7 февруари тој се пресели во вечноста, заслужувајќи го името пастир на народот, затоа што навистина верно му служеше и сите ја познаваа добрината на тој старец… Потекнува од Галичник, и заслужува вечно споменување.“ – стои во текстот. Ова се нагласува во статија на Институтот за македонска литература, посветена на животот и делото на Партенија Зографски.
Сите вести од Македонија

Најнови вести

To top